Ерөнхий сайд Л.Оюун-Эрдэнэ шинэ жилийн мэндчилгээ дэвшүүллээ

О.Шүрэнцэцэг
2023/12/31

Эрхэм монгол ахан дүүс ээ!

Элэг нэгт дэлхийн монголчууд аа! 

Энэ үдэш Та бүхэнтэйгээ олон түүхэн өөрчлөлтийн эхлэл цэг болсон их жанжин Сүхбаатарын талбайгаас мэндчилж байна.

Монгол Улсын Ерөнхий сайдаар ажиллах хоёр жил гаруй хугацааны эхний хагасыг цар тахлыг даван туулж, эдийн засгаа сэргээхэд, хоёрдахь хагасыг олон жил бугшсан авлигын системийг нурааж, тогтолцооны суурь реформыг хийхэд бүхэлд нь зориуллаа. 

Энэ бүх өөрчлөлтөд оролцоо, дэмжлэг, мөн шүүмжлэлээрээ хамт байсан ардчилсан Монгол Улсын иргэн Танд баярлалаа.

Энэ жил шинэ оноо ковидгүй тэмдэглэж байгаа шиг, шилжилтийн хэмээн нэрлэгдсэн ороо бусгаа, эмх цэгцгүй, хариуцлагагүй, авилгажсан саарал үе 2023 онтой хамт тогтолцооны хувьд ийнхүү хаагдаж байна.

Тогтолцоо өөрчлөгдөж бид шинэ онд 126 төлөөлөлтэй парламентыг, томсгож бүсчилсэн тойргоор хамтдаа байгуулах болно.

Тогтолцооны энэхүү реформ иргэн таны сонголтыг нэмж, олон ургальч үзэлд шинэ хаалга нээж, хот хөдөөгийн тэнцвэр хангагдаж, бүсчилсэн хөгжлийн төслүүд эрчимжиж, жалга довны үзлээс, үсрэнгүй хөгжлийн хандлага руу алхсан сайн цагийн эхлэл болно гэдэгт итгэлтэй байна.

Энэхүү тогтолцооны өөрчлөлтийг дэмжсэн Монгол Улсын Ерөнхийлөгч, Улсын Их Хурлын дарга, парламентын эрхэм гишүүд, улс төрийн намуудын удирдлагуудад чин сэтгэлийн талархал илэрхийлье!

2023 он бол хуримтлагдсан олон асуудлыг амжиж цэгцлэхийг хичээсэн жил байлаа. Авлигын олон асуудлыг дэлгэж, нийгмийг бухимдуулсанд уучлаарай. Гэхдээ ирэх жилүүдэд бухимдалгүй байх эхлэл энэ жил тавигдсан гэдэгт итгээрэй.

Хөгжлийн банкны асуудал цэгцэрснээр 12 жилийн хугацаанд хуримтлагдсан Чингис бондын 1.5 тэрбум ам.доллар, Мазаалай бондын 500 сая ам.доллар, Гэрэгэ бондын 800 сая ам.доллар, Евро бондын 500 сая ам.доллар, Самурай бондын 200 сая.ам долларын өрийг Монгол Улс бүрэн төлж барагдууллаа. Монгол Улсын Засгийн газар гадаад өрүүдийг төлөхөд өнгөрсөн хугацаанд нийт 13.3 их наяд төгрөг зарцууллаа.

Оюу Толгойн Монголын талын 34 хувьд ногдох 2.3 тэрбум ам.долларын өр тэглэгдсэнээр олон жил улс төржин гацсан Гүний уурхай бүрэн ашиглалтад орж, олон улсын хөрөнгө оруулалтын орчинд эергээр нөлөөлж чадлаа.

Эрдэнэс Тавантолгой компанид онцгой дэглэм тогтоосноор ил, тод хариуцлагатай байдал дээшилж, цахим арилжааг амжилттай зохион байгуулснаар анх удаа 6.6 их наяд төгрөгийн орлого, гурван их наяд төгрөгийн цэвэр ашигтай ажилласнаар олон жил яригдсан Үндэсний баялгийн сан бодитоор бүрдэх эхлэл тавигдлаа.

Нийт экспортын орлого 14.9 тэрбум ам.долларт хүрч, цар тахлын өмнөх үеэс 2 дахин давлаа. Монгол Улсын төсөв, төлбөрийн тэнцэл анх удаа хамтдаа ашигтай гарлаа.

Монгол Улсын валютын албан нөөц 2.7 тэрбумаас 4.5 тэрбум ам.долларт хүрлээ.

Монгол Улс давсан орлогоороо ахмадын тэтгэвэр, тэтгэмжээ нэмэгдүүлж, төрийн албан хаагчдынхаа цалин хангамж, нийгмийн баталгааг сайжруулах дорвитой алхмуудыг хийж чадлаа.

“Шинэ сэргэлтийн бодлого”-ын Боомтын сэргэлтийн хүрээнд ирэх онд экспортын дөрвөн шинэ төмөр зам ашиглалтад орох болно. Ачаа тээврийн эргэлт анх удаа 105 сая тоннд хүрч, дэлхийн 42 улсын 155 цэгт нислэг үйлдэх боломж бүхий агаарын тээврийн либеральчлалын бодлогыг амжилттай хэрэгжүүллээ.

Зөвхөн уул уурхай тулгууртай эдийн засгийн бүтцээ өөрчилж, “Аялал жуулчлалыг дэмжих жил”-ийн хүрээнд анх удаа 650.000 жуулчдыг хүлээн авч, 3.4 их наяд төгрөгийн орлого оллоо.  

Монгол Улсын гадаад нэр хүнд өсөж, аялахад таатай улс орнуудын жагсаалтад тэргүүлж байна. Ирэх жил “Go Mongolia” уриатайгаар аялал жуулчлалын салбараа дөрвөн улирлын болгохын төлөө хамтдаа хичээж, эдийн засгаа төрөлжүүлэн хөгжүүлж, эх орноо эергээр дэлхий дахинд сурталчлан таниулцгаая.

Хөдөө аж ахуйн салбарыг эрчимжүүлэн хөгжүүлэх бүсчлэлийн бодлого эрчимжиж байна. Хүнсний хувьсгалын хүрээнд 165.000 тонн хүнсний ногоо тариалж, 85 хувийг дотоодоосоо хангаж түүхэн дээд амжилтыг тогтоолоо.

Цахим засаглалын индекс 18 байраар урагшилж, “E-Mongolia” 1.7 сая хэрэглэгчтэй боллоо. Шилэн ажиллагааны хүрээнд 975 мянган өгөгдөл мэдээллийг ил тод болголоо.

“Сайн багшийн гар дээр эх орны маргаашийн нар манддаг” гэдэгчлэн боловсролын тогтолцооны эрхзүйн цогц реформыг багш мэргэжлийг дэмжих, бэлтгэгдэж буй мэргэжилтнүүдийг, ирээдүйн хөдөлмөрийн зах зээлтэй уялдуулахад илүүтэй чиглүүлэн хуульчиллаа. Цэцэрлэгийн хүртээмжийг нэмэгдүүлж, гурван ээлжийн сургуулийн тогтолцоог халж, Монголын боловсролыг дэлхийн үнэлгээнд анх удаа хамруулсан жил байлаа.

Цагаан нөмрөгтэй баатрууд, онцгой байдлын салбарынхан маань Цар тахлыг дэлхийн дунджаас тав дахин хохирол багатай даван туулж, хатуу хөл хориог олон улсын дунджаас 1.5 жилийн өмнө нээж чадлаа.

Эрүүл мэндийн эрт илрүүлгийн тоног төхөөрөмжийг бүрэн шинэчилж, эрт илрүүлэгт 1.3 сая хүн хамрагдлаа.

Цар тахлын оргил үед -4.7 хувь байсан эдийн засаг, 2023 оны эцсээр 6.8 хувиар өсөж, Дотоодын нийт бүтээгдэхүүн 36.7 их наядаас 63.3 их наядад хүрч, Нэг хүнд ногдох Дотоодын нийт бүтээгдэхүүн анх удаа 5.220 ам долларт хүрлээ.

Эрхэм Монгол ахан дүүс ээ!

2024 онд эдийн засгийн өсөлтийг өрх бүрийн хаалгаар оруулсан, иргэн бүхэнд хуримтлал үүсгэх тогтолцооны өөрчлөлтийг эхлүүлсэн жил байх болно.

2024 он орон сууцны хүртээмжийг “миний анхны байр”, “миний орон нутагт амьдрах сонголт”, “миний түрээсийн байр”, “миний амины орон сууц” зэргээр төрөлжүүлэн нэмэгдүүлж, Үндэсний баялгийн сангийн тогтолцоотой холбох цогц реформыг хэрэгжүүлсэн жил байх болно.

2024 он хот хөдөөгийн тэнцвэрийг хангаж, нийслэл хотын метроны төслийг эхлүүлж, Хөдөөгийн сэргэлтийн хүрээнд аймгийн төвүүдийг хооронд нь, хилийн боомтуудтой холбосон “Таван тойрог” замын их бүтээн байгуулалтын ажлыг эхлүүлж, бүсийн хөгжлийг бодлогын бодит ажил болгосон жил байх болно.

2024 он Худалдаа аж үйлдвэрийн танхим, Үйлдвэрчний эвлэлтэй гурван талт хэлэлцээрийг шинэ шатанд гаргаж, бизнесийн орчныг сайжруулсан, хөрөнгө оруулалтыг нэмэгдүүлсэн, шударга хөдөлмөрийн харилцааг дэмжсэн жил байх болно.

Ужгирсан асуудлууд бүрэн цэгцлэгдэхэд хугацаа хэрэгтэй ч, улс орон маань углуургаараа өөрчлөгдөж, авлига, хариуцлагагүй байдлын түнэр харанхуйг үлдэн хөөсөн МАНДАХ нарны туяа тусаж, ардчиллын хоёрдахь давалгаа болсон шинэ 30 жил ийнхүү эхэлж байна.

Та бүхэндээ шинэ оны мэнд дэвшүүлье! Сайхан баярлаарай!


15
angry
0
care
2
haha
6
liked
1
love
0
sad
1
wow

Сэтгэгдэл (20)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
2405:5700:300:14d4:e52d:6467:5a88:3c0d
2024/01/01
0
0
5000 доллар юун битгий доромжлоод байгаарай ард иргэдэд 100 долларч байхгүй
Хариулах
66.181.182.136
2024/01/01
0
0
2024 ондоо хуулиа оройд нь залсан хулгайчаа уланд нь хэвтүүлсэн сайхан жил болтугай
Хариулах
66.181.161.209
2024/01/01
0
0
2024 онд хэрэгжүүлэх ажлыг чинь харж л сууя. Худлаа битгий байгаасай даа
Хариулах
2405:5700:303:97a1:750e:afde:856e:1624
2023/12/31
0
0
Ха ха яаж хулхидаж хошгируулахаа мэдэлгүй дээ
Хариулах
139.5.216.246
2023/12/31
0
0
Nogdol ashig nehej baihaar oorsdoo hodolmorlo er ni iim ih or darsan tsag veiig medehgvi ym hogshchvvlch medehgvi bh
Хариулах
103.57.95.170
2024/01/01
0
0
chi uurhaid ajilaad 10 sayiig sard awch bhad ene nuhur bolon ednii namiin hoshnogonii vsnvvd chinii bolon tanai brigadiin ajiliin hulsnuss 20% vnegvi hvrtej amidrana chi ajlaad ed nar hud2 shaagad mungu oln bi zalhuudaa bish bi sariin 26 honog 10 tsag ajildaa ywaad 1.5 sayiig awaad 5 hvvhddee tejeeged ywj bn. ed nar mongoliin baylagiig zarj bayjjaad deerees shvlsee hayaad bdg adilhan bi mongol hvn bj 26honog gertee vzegdeh tudii bj mahgvi nvvrsgvi surguuli zezerleg oyutnii tulbur unaanii mungund sanaa zowood amidrah n zuwuu?
Хариулах
2405:5700:300:14d4:a885:8461:c148:191
2023/12/31
0
0
Зайл
Хариулах
2400:4051:93c1:7400:34e4:c644:7096:c46e
2023/12/31
0
0
Зайлаа сда
Хариулах
2405:5700:311:3075:3192:19b6:6385:493f
2023/12/31
0
1
Дараачийн ерөнхий сайд бол оюун эрдэнэ
Хариулах
103.57.95.170
2024/01/01
0
0
oyukiin umdagnii vsend angijruulagch tvrhej bgad huhuu martwaa!!
Хариулах
2405:5700:300:814:483c:d63c:368d:2ac
2023/12/31
0
0
30 жилд байгаагүй Ерөнхий сайд шүү лбгдрж ийм байсан уу сү батбол баяр ийм байсан хулгайлж аваад арилж байлаа
Хариулах
103.57.95.170
2024/01/01
0
0
altanhuyag byambasvren nar hol ilvv bsn oyuk 1 l chadaj bn hud shaana jinhene hooson am shaldan guya
Хариулах
2405:5700:300:3439:dc9:513d:5dac:eb1b
2023/12/31
0
0
Metrogui gants uls bolj uldeh geegui bol metrogoo bariaria.dahiad hooson yaria boloh vii.mongoldoo metrond subject uzmeer l bna shuu.
Хариулах
103.57.95.170
2024/01/01
0
0
hahaha neeree2
Хариулах
59.153.113.220
2023/12/31
0
0
30 жил, Ерөнхий сайдууд энэ хүн шиг ажилласан бол ч манай улс мандан бадрах байжээ, хулгайч луйварчид хорлочихвыдээ, түй түй
Хариулах
2405:5700:300:14d4:a885:8461:c148:191
2023/12/31
0
0
Үлээж байхад итгэдэг цагаан цаас шүү
Хариулах
202.126.88.68
2023/12/31
0
0
Хувьцааны ноогдол ашигаа авий
Хариулах
202.131.251.66
2023/12/31
0
0
үүүүүүооооккккк
Хариулах
66.181.178.202
2023/12/31
0
0
Еронхий сайдад амжилт хусье Шинэ томор замын буудалтай болж Шинэ.вагонтай хурдан галт тэргээр Зорчдог сайхан.цаг ирнэ томор замд Том шинэчлэл хийгээрэй
Хариулах
103.57.95.170
2024/01/01
0
0
muruud2 zvvdle2 boroo orj bn gej zvvdeltel oyuk deers chn sarij bh wiidee
Хариулах
Шинэ мэдээ
"Нэг иргэний буруутай үйлдлээс болж олон хүний эрдэнэт амь хохирсоор байна" 9 цагийн өмнө
Танилц: Өнөөдөр цахилгаан хязгаарлаж болзошгүй байршлууд 9 цагийн өмнө
ТЦА: Орон нутгийн замд гүйцэж түрүүлж мөргөлдсөн осол 80 хувийг эзэлж байна 9 цагийн өмнө
Газрын дуудлага худалдаагаар нийслэлийн төсөвт 50 тэрбум төгрөг төвлөрүүлнэ 11 цагийн өмнө
Өөжгий: Дуулаа дуул хоёр лүд минь, Японд дуул, Америкт ч дуул, зөвшөөрлөө 11 цагийн өмнө
​Зэвсэгт хүчний алба хаагчид хүч нэмэгдүүлэн ажиллаж байна 11 цагийн өмнө
Сэлбэ голын 16,480 тонн мөсийг зөөж тээвэрлэн Туул голын сав газарт буулгажээ 11 цагийн өмнө
Үр дүн: Хүүтэй сэтгэлзүйч уулзуулж, ээжийг нь хөдөлмөрийн хөлсний доод хэмжээнээс бага цалинжуулсан СӨХ-ийг шалгана 13 цагийн өмнө
ЗГХЭГ-ын дарга Д.Амарбаясгалангаар ахлуулсан шуурхай бүлэг Говь-Алтай аймагт ажиллалаа 14 цагийн өмнө
Ерөнхий сайд Л.Оюун-Эрдэнэ Архангай аймагт ажиллах тул ЗГ-ын хуралдааныг цуцалжээ 15 цагийн өмнө
1960 оноос хойших хамгийн хүйтэн шөнө байв 15 цагийн өмнө
Байшин шатаж 67-71 насны хоёр иргэн түлэгджээ 17 цагийн өмнө
Сураггүй болсон 30 настай эрэгтэйг хайж байна 17 цагийн өмнө
Дундговь аймгийн малчид: Хавар ноолуураа тушаах нь байтугай, мал маань хээл хаяж төл ч авахгүй нь 17 цагийн өмнө
С.Цэвэл: Хүүг маань орцонд амьдардаг гэж ангийнхан нь дээрэлхснээс хойш хичээлдээ яваагүй, одоо орцноосоо хөөгдөх болчихоод хаачихаа мэдэхгүй байна 17 цагийн өмнө
Зарим нутгаар 43 хэм хүрч хүйтэрнэ 18 цагийн өмнө
Газ дэлбэрсний улмаас 228 иргэн, 15 аж ахуйн нэгж эд хөрөнгөөрөө хохирчээ Өчигдөр
​78-р сургуулиас: Охиныг зодож байхад эмээ нь, манай сургуулийн зургаан хүүхэд хамт гэрт нь байсан юм билээ Өчигдөр
Малчдын зээлийг хойшлуулахаар боллоо Өчигдөр
Малчид: 700 гаруй малаас 300 ч хүрэхгүй үлдлээ, эцсээ хүртэл үзэж тарна даа хаяаад явалтай нь биш Өчигдөр