Х.Ганхуяг: Иргэдэд ногдол ашиг жил бүр олгох ёстой, цаашид өвлүүлдэг болгох өөрчлөлт оруулна

"Эрдэнэс Тавантолгой" ХК-ийн Бүрэн эрхт төлөөлөгч Ж.Ганбат ногдол ашгийн асуудлаар мэдээлэл өгөхдөө "ЭТТ ХК-ийн 2022 оны ногдол ашгийг өгөх асуудал яригдаж байна.  Компанийнхаа ТУЗ дээрээ танилцуулаад хувьцаа эзэмшигчдийн хурлаараа оруулахаар ажиллаж байна. Харин 2023 оны ногдол ашгийн талаар 4 сард яригдана. Ирэх 2 сард санхүүгийн тайлан эцэслэгдэнэ, дараа нь аудитаар орох учраас цаг хугацааны хувьд болоогүй гэсэн үг. Эхний ээлжид УИХ дээр шийдвэр гарчихвал ЭТТ ХК-ийн 2022 оны ногдол ашгийг бүх хүндээ өгөх үү, эсвэл зөвхөн хувьцаа эзэмшиж байгаа хүмүүстээ өгөх үү гэдгийг шийднэ" гэсэн мэдээллийг өгсөн билээ.

ЭТТ ногдол ашгийг иргэдэд олгох эсэх асуудлаар УИХ-ын гишүүн Х.Ганхуягаас тодрууллаа. Тэрбээр "Иргэдэд ногдол ашиг жил бүр олгох ёстой, цаашид өвлүүлдэг болгох өөрчлөлт оруулна" гэлээ.