Ослын улмаас хаасан замыг хэсэгчлэн нээлээ

Нийслэлийн Баянзүрх дүүрэг 26 дугаар хороо Дүнжингарав худалдааны төвийн урд зам дээр 2024.01.24-ний өдрийн 01:05 цагт газ тээвэрлэж явсан автомашин осолдсон асуудалтай холбоотойгоор Дүнжингарав худалдааны төвийн баруун уулзвараас зүүн, урд, баруун, хойд чиглэлд зорчих замуудыг түр хугацаагаар хааж хязгаарлалтын бүс тогтоосон.

Холбогдох байгууллагуудаас замын зорчих хэсгийг чөлөөлөх, зорчих хэсгийн гадаргууг цэвэрлэх ажлуудыг үе шаттай хийсний үр дүнд тухайн уулзвараас зүүн чиглэлд зорчихоос бусад хязгаарлалт тогтоосон замуудыг нээлээ.

Иргэд, жолооч та бүхэн  өөрсдийн аюулгүй байдлын хангаж, замын хөдөлгөөний дүрмийг баримтлан соёлтой хөдөлгөөндөө оролцоно уу.