Тэгш, сондгойгоор зорчих дугаарын хязгаарлалтыг сунгах эсэх талаар санал авч байна

О.Шүрэнцэцэг
2024/01/29

Хүйтний эрч чангарч, замын хөдөлгөөний ачаалал нэмэгдсэнтэй холбоотойгоор арванхоёрдугаар сарын 18-наас нэгдүгээр сарыг дуустал автомашиныг улсын дугаарын тэгш, сондгойгоор замын хөдөлгөөнд оролцуулах зохицуулалт хийсэн. Тус зохицуулалтыг хийснээр камерт бүртгэгдсэн тээврийн хэрэгслийн тоо 41, хөдөлгөөн зохицуулалт 40, зам тээврийн осол 31,  замын хөдөлгөөний саад 65 хувиар буурсан үзүүлэлт гарчээ.

Өнөөдрөөс ерөнхий боловсролын сургуулийн хичээл эхэлж, замын хөдөлгөөний ачаалал эрс нэмэгдэж буй. Замын хөдөлгөөний удирдлагын төв /ЗХУТ/-өөс ерөнхий боловсролын сургуулийн хичээл амарч байх үеийн тээврийн хэрэгслийн тоог хичээл орж байх үетэй харьцуулсан судалгааг хийсэн. Судалгаагаар хичээл амарсан үед өдөрт 347 мянган тээврийн хэрэгсэл бүртгэгдсэн бол хичээл орж байх үед 429 мянган тээврийн хэрэгсэл бүртгэгдэж, 19.1 хувиар өссөн байна. Мөн хөдөлгөөн зохицуулалт хичээл амарсан үед 3294 байсан бол орж байх үед 3598 болж, 8.4 хувиар өссөн байгаа юм. Өөрөөр хэлбэл, хичээл орох үеэр замын хөдөлгөөний ачаалал эрс нэмэгддэг гэсэн үг.

Мөн удахгүй Сар шинийн баяр болох тул замын хөдөлгөөний ачаалал нэмэгдэнэ. Амралтын өдрүүдэд дугаарын хязгаарлалт үйлчлэхгүй байгаа. Тухайлбал, нэгдүгээр сарын 6, 7, 13, 14-ний амралтын өдрүүдэд хөдөлгөөн зохицуулалт 2212 байсан бол нэгдүгээр сарын 20, 21, 27, 28-нд 2997 болж, 26.1 хувиар өссөн бөгөөд цаашид ч хөдөлгөөнд оролцох тээврийн хэрэгслийн тоо нэмэгдэх юм. Иймээс ЗХУТ, ТЦА-наас автомашины улсын дугаарын тэгш, сондгойгоор хөдөлгөөнд оролцуулах дугаарын хязгаарлалтыг сунгах хүсэлт ирүүлсний дагуу олон нийтээс санал авч байна.

Иргэд та бүхэн www.ulaanbaatar.mn цахим хуудасны “Санал асуулга” цэсээр болон  https://vote.ulaanbaatar.mn/ho... цахим хуудсаар  нэвтэрч “Дан” систем болон гар утасныхаа дугаараар холбогдон саналаа өгөх боломжтой. Саналыг нэгдүгээр сарын 31-нийг дуустал ажлын гурван өдөр авч, олонхын саналыг үндэслэн шийдвэр гаргах юм.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС


0
angry
2
care
0
haha
0
liked
0
love
1
sad
0
wow

Сэтгэгдэл (3)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.9.47.55
2024/01/29
1
0
Одоо 2-р сарын 1-ээс дугаарын хязгаарлалд цуцлагдана. Уг нь өмнөх засаг дарга нар Цагаан сарын баярын өмнөх 14 хоногт дугаарын хязгааралт хийдэг байсан. Гэтэл энэ нөхөр 40 гаран хоног дугаарын хязгаарлалт хийсэн. Одоо үүнийгээ хэлсэн амандаа хүрч цуцлах биз. Дугаар хязгаарлсан энэ 40 гаран хоногт автобусны маршрутыг шинэчилсэн нэрээр биднийг хоёр өдөр алах шахсан. Сүүлдээ түүнийгээ цуцлаж амарсан. Энэ хоногуудад юу ч хийгээгүй цаасан дээр баахан журам боловсруулж иргэдиын бухимдлыг төрүүлсэн. Одоо энэ хүнийг сайн хэлэх хүн бараг байхгүй, дагаж ирсэн хэдэн тэжээвэрүүд нь худлаа үнэн сайшаах байх. Огт судалгаа хийгээгүй нь нотлогдсон. Сүүлдээ “японы Жайка байгууллага судалсан түүний дагуу ингэсэн” гэх маягтай юм дуугарч харагдсан. Цаашид ийм даргатай байх юм бол ерөхний төлвөлгөө энээ тэрээгээр ч яах юм? Бүр цаашилбал НИТХ ч хэрэггүй.
Хариулах
103.10.23.120
2024/01/29
1
0
Наад бхлай ажлаа одоо болиочээ хүүрнүүдээ.
Хариулах
2405:5700:300:b39:b5c7:4883:5328:6130
2024/01/29
0
1
БҮГДЭЭРЭЭ ТҮГЖИРЧ БАЙСНААС ТЭГШ СОНДГОЙГООР ЯВСАН НЬ ДЭЭР ШҮҮ
Хариулах
Шинэ мэдээ
Том зах, худалдааны төвүүдийг чиглэсэн замуудын ачаалал ихэсжээ 10 цагийн өмнө
Шадар сайд С.Амарсайхан Узбекистаны Ерөнхий сайдад бараалхлаа 14 цагийн өмнө
Ерөнхий сайд Л.Оюун-Эрдэнэ эмгэнэл илэрхийллээ 14 цагийн өмнө
Төрийн өмчийн сургууль, цэцэрлэгийн багш, ажилчид хоолны мөнгө авна 15 цагийн өмнө
С.Баяр: Ч.Лодойсамбуу танаас асуух асуулт байна. Л.Оюун-Эрдэнэ огцорвол угаартаж үрэгдэхээ болих уу? 16 цагийн өмнө
М.Нарантуяа-Нара: Ч.Лодойсамбуу яг хэнийг хамгаалаад байгаа юм бэ? 16 цагийн өмнө
Э.Мөнх:Удаан хугацаанд стресстэй явах нь эрүүл мэндэд сөрөг нөлөөтэй 17 цагийн өмнө
Ч.Лодойсамбуу: О.Алтангэрэл сайд бол Ерөнхий сайдын муу юмаа хийлгэдэг солгой гар нь 17 цагийн өмнө
Хоёрдугаар сарын 9-нөөс нийт нутгаар хүйтний эрч суларна 17 цагийн өмнө
Ням гарагаас нийт нутгаар хүйтний эрч суларна Өчигдөр
Гуравдугаар сарын 1-ээс эхлэн автобусанд хугацаатай картаар зорчих боломжгүй болно Өчигдөр
ХӨСҮТ: Менингококк халдварын тархалт 1-5 сар хүртэл үргэлжилнэ Өчигдөр
Өнөөдрөөс нөөцийн махны худалдааг эхлүүллээ Өчигдөр
Ч.Лодойсамбуу: Л.Оюун-Эрдэнэ дөрвөн жилд энэ олон хүний амийг авраагүйдээ уучлал хүсээд ажлаа өг Өчигдөр
Хуульчдын холбоо О.Одбаярт хууль зүйн туслалцаа үнэ төлбөргүй үзүүлэх болжээ Өчигдөр
“Жаргалтай золгоё” цагаан сарын үзэсгэлэн худалдаа болж байна Өчигдөр
Ж.Баярмаа: Амрах гэж унтаад л амиа алддаг болж Өчигдөр
Хэнтий аймгийн удирдах ажилтны нэгдсэн зөвлөгөөн Чингис хотноо эхэллээ Өчигдөр
Орхон аймгийн үйлдвэрлэгчид "Монгол эв нэгдэл" төсөлд нэгдлээ Өчигдөр
О.Алтангэрэл: О.Одбаярыг хохирогчоор тогтоох ажил үргэлжилж байна Өчигдөр