П.Наранбаяр: Боловсролын зээлийн сангийн журам шинэчлэгдэж тэгш боломж олгоно

Засгийн газрын ээлжит хуралдаанаас гарсан шийдвэрийг танилцууллаа. 

Боловсролын сайд П.Наранбаяр,  "Өнөөдрийн хуралдаанаар Боловсролын зээлийн сангийн журмыг шинэчлэн баталлаа. Өмнө нь гадаадын шилдэг их дээд сургуульд тэнцсэн бол зээл олгодог байсан бол  шинэчилсэн журмаар 2+2 хөтөлбөрийг хэрэгжүүлнэ. Өөрөөр хэлбэл дотоодын их сургуульд хоёр жил суралцаад гадаадын сургуульд хоёр жил суралцах тохиолдолд зээл олгохоор болж байна.  

Ингэснээр дотоодын дээд боловсролоо дэмжинэ,  мөн орон нутгийн суралцагчдад тэгш боломж олгоно гэж харж байна. Түүнчлэн зээлийг эргэн төлөх хугацааг 20 хүртэлх жилээр сунгах уян хатан нөхцөлийг тусгаж өгсөн. Их сургуулиа дуусгаад гадаадад гурав хүртэл жил ажиллаад ирж болно. Энэ шийдвэрийн үр дүнд төсвийн зарцуулалтын үр ашиг нэмэгдэнэ гэж харж байна" гэлээ.