О.Цогтгэрэл: Ардчилсан намын бүлэг завсарлагаа зогсоож чуулганы хуралдаанд оролцоно

УИХ дахь АН-ын бүлэг мэдээлэл хийж байна. Энэ үеэр АН-ын бүлэг завсарлагаа зогсоож чуулганы хуралдаанд оролцох шийдвэр гаргаснаа хэллээ. Мөн УИХ-ын гишүүн Ж.Баярмаа, "Ерөнхий сайд надаас уучлалт гуйсан" гэх мэдээллийг өглөө. Харин тэрбээр,  өөрийнх нь талаар цахим сүлжээнд гарсан мэдээллийн асуудлаар ТЕГ болон цагдаагийн байгууллагад хандаж шалгуулна гэдгээ илэрхийллээ. 

Мөн Ерөнхий сайд Л.Оюун-Эрдэнэ бид хоёрт ямар нэг хувийн өс хонзон байхгүй. Би өмнө нь таньдаг ч үгүй байсан. Хамтарсан Засгийн газар байгуулагдахад нь дэмжсэн. Гэхдээ би хэлэх зүйлээ хэлнэ гэдгээ илэрхийлсэн. Сайтуудаар мэдээлэл бэлтгэн түгээсэн эзэн нь хэн гэдэг нь тодорхой ил байна. С.Баярцогт гишүүн асантай нэг нутгийнх ч болгож байна. Хэлмэгдсэн ахтай минь ч холбож байна. Тэр бүх мэдээлэл бол худал, гүтгэлэг. Бүгдийг нь тодруулахаар Цагдаагийн байгууллагад өгнө" гэсэн юм.