У.Хүрэлсүхийг ерөнхий сайд болохоос эхлүүлээд л одоог хүртэл балбаж байна. Засгийн газар байгуулагдаад хорь ч хоноогүй байж олон жил бугшсан асуудлуудыг шийдвэрлэж чадсан юм. Гэтэл УИХ нь Засгийн газрынхаа төсвийг батлаж өгөөгүй хэрнээ элдвээр баалах боллоо. Адилтгавал шүүр өгөөгүй байж шалаа цэвэрлэсэнгүй гэж буруутгахтай нэг юм. Яагаад Сүхийг балбасаар байна вэ. Ердөө л түүнийг намын дарга болгохгүй гэсэн 60 тэрбумын бүлэглэлийн сүүлчийн бүтэлгүй оролдлого. У.Хүрэлсүх зарчмын шаардлага тавьсан юм. Шаардлагыг нь хэрэгжүүлэхгүй зарчимгүй загнавал зүгээр суудаггүй, хариуцлагыг нь тооцчихдог гэдгээ дахин нэг удаа харууллаа. МАН 65 уулаа ялчихаад дотроо учраа олохгүй бужигнаж байгаа нь гэнэт л болсон үйл явдал огтоос биш. Намын дарга нь ерөнхий сайдын ажлаа хийгээд явсан бол өнөөдрийн энэ байдал үүсэх байсан уу? Бодох л асуудал. Ажил хийнэ гэж амлалт өгч байсан хүн дотроо УИХ ын дарга улмаар ерөнхийлөгч болно гэж бодож явсан нь үнэн бол тэр анхнаасаа Монголын ард түмнийг хуурч байжээ. Сонгуулиар юу амлаж байсан түүнийгээ л хийх ёстой. Энэ бол улс төрийн энгийн соёл төдийгүй сонгогчдын тавьж байгаа шаардлага. Гэтэл сонгогдож гарч ирээд ЗГ ын сайд нартаа концесс өгөх, татвар нэмэх тэр битгий хэл Хөгжлийн банкинд шалгалт оруулалгүй таг болох мэт нь сонгогчдын дургүйцлийг хүргэв. Одоо болсон цаашид ингэж явж таарахгүй гэдэг шаардлагыг У.Хүрэлсүх намын нөхөддөө зарчим сануулж тавьсан юм. Гэтэл өнөөх хэд нь тоогоогүй. Тоогоогүйгээр барахгүй түүнийг тагнаж чагнаж байгаа болоод явчлаа. Сүхийг давтах тусам ир орно. Тэр хөдөлсөн юм. Намыг албан тушаал зардаг лангуу болгож болохгүй гэдэг зарчмыг тэр тавьж байгаа. Энэ ч үүднээс У.Хүрэлсүх намын дарга болвол энэ дотор өөр хоорондоо мөнгө төгрөг өгөлцөж авалцсан сүлжээ эвдэрч эхэлнэ. Тэд үүнээс үхтэл айж байгаа учраас ямар ч үнээр хамаагүй У.Хүрэлсүхийг намын дарга болгож болохгүй гэж шийджээ. Гэвч Сүхийг балбах тусам ир орно
Сэтгэгдэл (0)
Сэтгэгдэл бичигдээгүй байна