"YouTube" сайтад бичлэг түгээж, их хэмжээний мөнгө олдог хүмүүс олширч байгаа ч түүний дотор зургаан настай Райан хүүг хэвлэлүүд онцолж байна. "Forbes" сэтгүүл шинэхэн дугаартаа "YouTube"-н хамгийн өндөр орлоготой алдартнуудыг жагсаахад Райан жилийн 11 сая долларын орлогоор наймдугаар байранд оржээ.
Тэрээр бусад хүүхдүүдийн адил тоглоомоор тоглох боловч "Ryan Toys Review" сувгаараа дамжуулан сурталчилгаа явуулдаг гэдгээрээ ялгаатай. Энэ сувгаар брэнд тоглоомуудыг сонирхолтой байдлаар туршиж, танилцуулдаг ажээ. Одоо энэ жаал 10 сая дагагчтай, хүүхдүүдийн дууриах дуртай алдартан болжээ.
Анх Райн хүү ээжээсээ "Би яагаад бусад хүүхэд шиг YouTube-д байдаггүй юм бэ" гэж асуужээ. Ингээд ээж, аав хоёр нь тоглоомын дэлгүүр дагуулан явж, лего галт тэргээр бичлэгээ эхлүүлсэн байна. Үүнээс гадна хамаатнууд нь хилийн чанадад амьдардаг тул тэдэнтэй аз жаргалаа хуваалцахын тулд бичлэгээ түгээхээр шийдсэн гэдэг.
Сэтгэгдэл (0)
Сэтгэгдэл бичигдээгүй байна