ЛиАнжело Боллын төлөөлөгч Харрисон Гэйнес түүний үйлчлүүлэгч 2018 оны драфтад нэрээ өгөхөөр шийдсэн гэдгийг албан ёсоор зарлалаа. ЛиАнжело аль хэдийн НБЭ - д албан ёсны хүсэлтээ гаргаж өгсөн ажээ.
Тэрээр өнгөрсөн оны 12 - р сард Калифорнийн их сургуулиас хөөгдсөнийхөө дараа дүү ЛаМело Боллын хамтаар Литвийн сагсан бөмбөгийн лигт хэсэг хугацаанд тоглосон юм. Тэрээр өнгөрсөн оны сүүлээр Калифорнийн их сургуулиан багтайгаа хамт Хятадад аялан тоглолт хийх үеэрээ хулгайн хэрэгт холбогдож сургуулиасаа хөөгдсөн билээ. Улмаар энэ оны нэгдүгээр сард Литвийн Витаутас багтай богино хугацааны гэрээ байгуулсан юм.
ЛиАнжело Болл Литвид тоглох хугацаандаа холын зайнаас 45 хувьтай довтолж, 15.7 оноо дунджилан лигийг оноо авалтаар тэргүүлсэн байна. 19 настай залуу тоглогч ЛиАнжело ирэх тавдугаар сард Флоридагийн Брадентонд болох үзүүлэн тоглолтод оролцох төлөвлөгөөтэй байгаа ажээ. Энэ нь драфтын өмнө НБЭ - ийн багуудын менежер, скаутуудын нүдэнд өртөх хамгийн том боломжуудын нэг юм.
Сэтгэгдэл (0)
Сэтгэгдэл бичигдээгүй байна