Вашингтонд болж буй Америкийн улсуудын байгууллагын /АУБ/ Ерөнхий ассамблей АНУ-ын санал болгосон Венесуэлийн нөхцөл байдлын талаархи тогтоолыг мягмар гарагт баталсан нь тус улсын гишүүнчлэлийг түдгэлзүүлэх боломжийг нээж өгч ажээ. "19 гишүүн орон дэмжиж, 4 улс эсэргүүцэж, 11 улс түдгэлзсэн санал өгснөөр АУБ-ын Ерөнхий ассамблей Венесуэлийн нөхцөл байдлын талаархи тогтоолыг баталлаа" гэж тус байгууллагын Twitter хуудаст мэдээлсэн байна.
"Венесуэльд тавдугаар сарын 20-нд явуулсан ба тус улсын Ерөнхийлөгч Николас Мадуро дахин сонгогдсон ерөнхийлөгчийн сонгуулийн дүнг АУБ үндсэндээ хүлээн зөвшөөрөхгүй байгааг дээрх тогтоол харууллаа" гэж Венесуэлийн "Panorama" цахим порталын мэдээнд тэмдэглэжээ. АУБ-ын дүрмийн дагуу ардчилсан ёс журмыг зөрчсөн орны хувьд "Америк хоорондын ардчиллын Хартийг" хэрэглэж болдог аж. Ардчилсан ёс журмыг үндсэн хуулийн бус аргаар өөрчилсөн тохиолдолд тухайн улсын АУБ-ын гишүүнчлэлийг түдгэлзүүлэх боломжийг уг Харти олгодог юм байна.
Сэтгэгдэл (0)
Сэтгэгдэл бичигдээгүй байна