ХӨВСГӨЛ АЙМАГТ 10 000 ГАРУЙ ТОЛГОЙ МАЛ ХОРОГДЖЭЭ

Энэ сарын 16,17,18 ны өдрүүдэд Хөвсгөл аймгийн Алаг-Эрдэнэ, Хатгал, Улаан-Уул сумдаар их хэмжээний цас оржээ. Цасны улмаас хичнээн толгой мал хорогдсон талаар мэдээллийг аймгийн Хүнс хөдөө аж ахуйн газар нэгтгээгүй байна. Харин цаснаас өмнө  ундны ус, өвс тэжээлийн хомсдлоос үүдэж 10 000 гаруй толгой мал хорогджээ.

Цас орж, цаг хүндэрсэн учир Хөвсгөл аймгийн удирдлагууд 140 000 гаруй тонн өвс, тэжээлийг малчдад үнэгүй тараасан гэж тус аймгийн Хүнс, хөдөө аж ахуйн газрын дарга Г.Баттулга мэдээллэв.