СЕЛЕНА ГОМЕС INSTAGRAM-ЫН ХАМГИЙН ОЛОН ЛАЙКТАЙ ХЭРЭГЛЭГЧ

“Instagram” сүлжээний хамгийн олон лайктай хэрэглэгчээр Америкийн дуучин, жүжигчин Селена Гомес шалгарсан тухай “The Sun” мэдээлж байна. Хэрэглэгчдийн лайкны тоог “Hype Auditor” платформыг ашиглан гаргаж. Энэхүү платформ нь бодит хэрэглэгчийг хуурамчаас ялгах чадвартай бөгөөд энэхүү боломж дээрээ тулгуурлан сурталчилгаа байршуулах саналыг хэрэглэгчдэд илгээдэг.

“Hype Auditor” нь дуучин Селена Гомесийг хамгийн олон бодит хэрэглэгч лайк дардаг од гэж тодруулжээ. “Instagram”-д байршуулсан Гомесийн фото болгон дунджаар 4,6 сая лайк авдаг. Гэхдээ Гомес нь 151 сая дагагчтай хэдий ч дагачдынхаа тоогоор тус сүлжээнд тэргүүлдэггүй юм байна.

Гомесийн дагагчдын 58 хувь нь эмэгтэйчүүд, 14 хувь нь Энэтхэгийн оршин суугчид.

“Instagram”–д лайкийнхаа тоогоор хоёрдугаарт орсон хэрэглэгч нь дэлхийн хамгийн залуу эмэгтэй тэрбумтан гэгддэг Кайли Женнер. Тэрээр 137 сая дагагчидтай, нийтлэл болгон нь 3,6 сая лак авч байдаг.