БИЧЛЭГ: ​ИДЭХ ГЭЖ БАЙСАН ТАХИАНЫ ЦЭЭЖ МАХ АМЬ ОРЖ ХҮМҮҮСИЙГ АЙЛГАЖЭЭ

Америкийн Флорида мужийн Майами хотын нэгэн Ази хоолны газар тавган дээр бэлдэж тавьсан тахианы цээжээр хийсэн хоол гэнэт амь орж хөдлөөд хүмүүсийг айлгасан бичлэгийг "The Sun" сонирхуулжээ.Тавган дээр тавьсан тахианы түүхий цээж хөдөлж эхлээд ширээ рүү мөлхсөөр шалан дээр унаж байгааг бичлэгээс харж болно. Цаана нь айж цочирдсон хүмүүсийн дуу сонсогддог.Энэхүү бичлэгийг ахар богино хугацаанд найман сая хүн үзэж, 43 мянган сэтгэгдэл бичиж, 140 мянган удаа шэйрлэжээ.Интернетийн хэрэглэгчид тахианы цээж мах яагаад амь орсон талаар янз бүрийн таамаг дэвшүүлж. Нэг хэрэглэгч шувууны мах дэндүү шинэ байсан тул булчингууд нь рефлексээрээ агшсан байх гэсэн таамаг дэвшүүлжээ. Дийлэнх хэрэглэгчид бичлэгийг үзээд шоконд орсон тухайгаа бичжээ.Энэхүү бичлэг анхлан Facebook-ийн Rie Phillips гэдэг хэрэглэгчийн пэйж дээр тавигдсан байжээ.