Америкийн Нью-Йорк мужид мариухан буюу олсны ургамлаас гаргаж авсан мансууруулах бодис бага хэмжээгээр хадгалах, хэрэглэхэд эрүүгийн хэрэг үүсгэхээ зогсоож байгаа тухай "The Independent" сонин бичсэн байна.
Тус мужийн амбан захирагч Эндрю Куомо энэ тухай шинэ хуульд гарын үсэг зурж баталгаажуулжээ. Тэрээр "Өнгөт арьстнууд марихуаны хэрэглээг зохицуулдаг байсан хуучин хуулийн улмаас хэт удаан удаан хугацаанд, хэт их хохирдог байсан. Өнөөдөр бид энэхүү шударга бус байдлыг нэг мөр үгүй болгож байна" гэжээ.Шинэ хуулийн дагуу 1 унц (28,3 грамм) –аас бага хэмжээний мариухан хадгалсан хүнд 50 долларын торгууль ногдуулна. Хадгалж байсан мариуханы хэмжээ хоёр дахин их бол 200 долларын торгууль төлөхөөр болж байгаа аж. Урд нь бол ийм хэмжээний мариухан хадгалсан хүнд шууд эрүүгийн хэрэг үүсгэн, хатуу ял шийтгэл ногдуулдаг байсан юм.Үүнээс гадна бага хэмжээний мариухан хадгалсантай холбоотой бүх хэргийг устган, хүчингүй болгож байгаа юм байна.Ингэснээр Нью-Йорк муж нь марихуан бага хэмжээгээр хадгалахад эрүүгийн хэрэг үүсгэхээс татгалзсан 16 дахь муж болж байна. Түүнчлэн Америкийн бусад 11 муж ба нийслэл Вашингтонд марихуаныг зөвхөн хувийн хэрэгцээнд хэрэглэхийг албан ёсоор зөвшөөрөөд байгаа. Гэвч Америкийн Холбооны хуулийн дагууд мариухан нь хориотой бодисын тоонд ордог тул бага хэмжээгээр хадгалахыг ч хууль бус гэж эрүүгийн хэрэг үүсгэн шалгах ёстой. Америкийн хуулийн дагуу хэд хэдэн муж дамнан үйлдсэн гэмт хэргийн холбооны гэмт хэрэг гэж үздэг бөгөөд холбооны хуулийн дагуу шийтгэдэг аж.
Сэтгэгдэл (0)
Сэтгэгдэл бичигдээгүй байна