ШВЕДИЙН МАЛЬМЕ ХОТОД БОГИНО ШОРТ ӨМССӨН БҮСГҮЙГ ХӨӨЖЭЭ

Шведийн Мальме хотод шорт өмссөн эмэгтэйг лалын шашинт цагаачид автобуснаас хөөж буулгасан тухай "The Independent" сонин мэдээлж байна. Бүсгүй нь болсон явдлын талаар "Facebook" хуудсан дээрээ бичсэн байжээ.

19-н настай Аманда Ханссон нь гадаа их халуун байсанд шорт өмссөн байж. Автобусанд суусны дараа болсон явдлын талаар тэрээр "Тэгсэн чинь жолооч нь "Чи манай автобусанд ингэж хувцаслаж болохгүй. Ийм хувцас хэт их нүцгэн бие харуулаад байна" гэж хэлэхээр нь аргагүйн эрхэнд буусан" гэж бичжээ. Мальме хотыг Швед дэх лалын цагаачдын нийслэл хот гэж нэрлэдэг бөгөөд тэд энэх хотын оршин суугчдын 40 гаруй хувийг эзэлдэг. Болсон явдлын дараагаар мэдээллийн хэрэгслээр шуугиж эхлэхэд автобусны компани нь Амандагаас уучлал гуйгаад бүдүүлэг авирласан жолоочийг ажлаас нь түдгэлзүлсэн гэдгээ мэдэгджээ.

Швед нь Ойрх Дорнодоос ирсэн олон зуун мянган цагаачдыг хүлээн авсан. Улмаар хэдэн жилийн өмнө лалын шашинтнууд хотын зөвлөлийн дийлэнх болсон хотод Зул сарын баяраар талбайд гацуур мод байршуулахыг нь шашинд харж гэж болиулсан нь олны бухимдлыг ихэд хүргэж байсан юм. Швед нь 2015 онд 163 мянган лалын шашинт цагаач хүлээн авсан бол дараагийн хоёр жилд нь 55 мянган цагаач иргэдийг хүлээн авсан. Швед нь 10 сая хүнтэй улс.