ХОРТ ХАВДРЫН ЭМЧИЛГЭЭНИЙ 12 ШИНЭ ТӨХӨӨРӨМЖ АВАХАД 25 САЯ ДОЛЛАР ЗАРЦУУЛНА

Хорт хавдрын хими эмчилгээ хийдэг хамгийн орчин үеийн төхөөрөмж 12 ширхгийг худалдан авахад 25 сая доллар гаргах болсноо Шинэ Зеландын Засгийн газар албан ёсоор зарлажээ. Энэ тухай "Otago Daily Times" мэдээлсэн байна. Шинэ Зеландын Засгийн газар нь үхлийн аюултай өвчнийг эрт оношлох, бүрэн эмчлэхэд шаардлагатай олон арга хэмжээ авахаар болсны нэг нь энэ аж.

Худалдан авах гэж байгаа шинэ төхөөрөмж нь өвчтөн тус бүрийн биеийн онцлогт тохируулсан нарийн эмчилгээ үзүүлж чаддаг гэдгээрээ давуутай юм байна. Шинэ төхөөрөмжүүд нь том хотууд төдийгүй хөдөө орон нутгийн иргэдэд ч хүртээмжтэй байх болно гэдгийг Шинэ Зеландын Ерөнхий сайд Жасинда Ардерн онцолсон байна. Шинэ төхөөрөмжүүд илүү хүртээмжтэй тул орон нутагт, жижиг хотуудад амьдардаг хорт хавдар гэсэн оноштой 1200 гаруй хүн том хот руу оролгүй, газар дээрээ эмчилгээ авах боломжтой болсон байна.

Ингээд зогсохгүй шинэ төхөөрөмж нь эхний шатандаа яваа хорт хавдрын эмчилгээг 6-н долоо хоногоос 3 өдөр болгон багасгах боломж олгодог нь тус улсын хүн амын наслалтыг уртасгахад эерэгээр нөлөөлөх аж. Шинэ Зеландын хүн ам 4 676 096, дундаж наслалт 81,3 жил.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top