Дани улсын "Nordea Bank" 20 жилийн хугацаатай, 0 хувийн хүүтэй ипотекийн зээл олгож эхэлсэн тухай "Bloomberg" мэдээлж байна. Энэ бол тус улсын түүхэн дэх анхны 0 хүүтэй ипотекийн зээл. Ийм зээл олгогдож эхэлсэн нь Данид сүүлийн үед бүрэлдээд байгаа зээлийн ерөнхий чиг хандлагын үргэлжлэл гэдгийг "Bloomberg" онцолжээ. Учир нь, үүнээс өмнөхөн Данийн өөр нэгэн банк болох "Jyske Bank" нь 10 жилийн хугацаатай, жилийн -0,5 хувийн хүүтэй зээл олгохоо мэдэгдээд байсан юм. Энэ зээлийн авсан тохиолдолд зээл аваг нь байр худалдан авсныхаа төлөө банканд мөнгө төлөх бус харин банкнаас мөнгө авч байх болно.
Ингээд зогсохгүй Данид жилийн 0,5 хувийн хүүтэй, 30 жилийн ипотекийн зээл өгөх хөтөлбөр хэрэгжээд эхэлсэн байгаа. Банкнууд хувьд үл хөдлөх хөрөнгийн зах зээл дэх нөхцөл тун таагүй байгаа бол иргэдийн хувьд байдал эсрэгээрээ, зээл авахад хамгийн таатай байгааг мэргэжилтнүүд онцолжээ.
Данид 2015 онд ипотекийн зээл хасах болж буурч байсан байдаг. Тэр жил Данийн Төв банкнаас бодлогын хүүгээ хасах 0,35 хувь болгож бууруулахад банкнууд ипотекийн зээлээ аргагүйн эрхэнд хасах хүүтэй болгож байжээ.
Сэтгэгдэл (0)
Сэтгэгдэл бичигдээгүй байна