Америкийн Флорид мужид амьдардаг эрэгтэй "Walmart" дэлгүүрт галт зэвсэг хэрэглэх гэж байгаа талаар "Facebook" хуудсандаа мэдээлэл хийгээд баривчлагдсан байна. Тус мэдэгдлийг хийсэн Ричард Клэйтон гэгч 26 настай залууг Холбооны мөрдөх товчоо, мужийн цагдаагийн газар хамтарсан ажиллагаа явуулаад баривчилжээ. Тэрээр наймдугаар сарын 6-нд "Facebook" хуудсандаа "Ахиад гурав хоногийн дараа AR-15-аа буцааж авна. Дараагийн долоо хоногт "Walmart" орох хэрэггүй шүү" гэж бичсэн нь баривчлах шалтгаан болсон байна. Клэйтон нь хэт даврагч үзэлтэн бөгөөд хуурамч хаягаас удаа дараалан бусдад заналхийлж байсан гэж мөрдөн байцаагчид үзэж байгаа аж.
Наймдугаар сарын 3-нд Патрик Крузиус гэгч 21 настай залуу Техас мужийн Эль Пасо хот дахь "Walmart" дэлгүүрийн орчим гэмгүй хүмүүс рүү гал нээж 19 хүний аминд хүрч, 40 хүнийг шархдуулсан хэрэг гарсан. Крузиус нь халдлага үйлдэхийн өмнө олон нийтийн сүлжээ ашиглан цагаачдыг үзэн яддаг тухайгаа мэдэгдэл хийсэн байна.
Сэтгэгдэл (0)
Сэтгэгдэл бичигдээгүй байна