Дэлхийн эрүүл мэндийн байгууллагаас дэлхийн хэмжээнд улаанбурханы өвчлөл огцом өсч байгаад сэтгэл зовниж байгаагаа мэдэгджээ. ДЭМБ-аас Женев хотноо гаргасан мэдэгдэлд энэ оны нэгдүгээр сараас долоодугаар сарын сүүл хүртэлх авсан мэдээгээр дэлхийн хэмжээнд улаанбурханаар өвдсөн 365 мянган тохиолдол бүртгэгджээ. Энэ бол өнгөрсөн оны мөн үеийнхээс даруй гурав дахин хэрэг юм.
Улаанбурханы өвчлөл Ардчилсан Конго, Мадагаскар, Украйн улсуудад хамгийн олон бүртгэгдсэн. Мөн Ангол, Камерун, Чад, Казахстан, Нигери, Филиппин, Өмнөд Судан, Судан, Таиланд зэрэг улсуудад улаанбурханы томоохон дэгдэлд бүртгэгдсэн байна.
Гэхдээ эдгээр тоог ДЭМБ урьдчилсан шинжтэй гэдгийг онцолсон байна. 2019 оны талаар эцсийн өгөгдлүүдийг 2020 оны арваннэгдүгээр сард албан ёсоор олон хүргэх аж. Харин одоогоор 2017 оны байдлаар улаанбурханы тархалтын талаар мэдээлэл л тодорхой болоод байна. Түүнээс 2017 онд дэлхий дээр 6,7 сая хүн улаанбурханаар өвдсөнөөс 110 мянга нь нас баржээ.
Сэтгэгдэл (0)
Сэтгэгдэл бичигдээгүй байна