Гвиней улсад амьдардаг Исату гэгч эмэгтэй өөрийг нь 20 жилийн турш зовоосонер бусын том хавдраа авахуулсан тухай "The Mirror" мэдээлж байна. Эрүүн дээр нь гарсан том хавдар хэлийг нь түлхэн амьсгалыг нь боож, инээх, чөлөөтэй ярих боломж олгодоггүй байж. Мөн хавдар нүүр царайг нь эрэмдэглэснээс болоод хүмүүсийн доог тохуу болохоос эмээн гудамжинд ч гарч чаддаггүй байж.
Гвиней нь хүн амынх нь 75 хувь нэн ядуу амьдралтай, хоногт 1 доллар хүрэхгүй мөнгөөр гол зогоодог дэлхийн хамгийн ядуу орны нэг тул хөөрхий эмэгтэйд хагалгаа хийлгэн хавдраа авахуулах мөнгө цуглуулах боломж яагаад ч байсангүй. Гэвч тэрээр 2018 онд Гвинейн нийслэл Конакрид хүрч, африкчуудад үнэгүй эмчилгээ хийдэг "Africa Mercy" усан онгоц дээрх хөвдөг эмнэлгийн эмч нар үзүүлжээ. Эрүү нүүрний мэс заслын эмч Исатуг үзээд тун ховор тохиолддог хоргүй хавдар үүссэн гэж оношилж. Гэхдээ хавдар нь хоргүй ч гэлээ яаралтай хагалгаа хийлгэхгүй бол амьсгалын хүндрэлээс болж удаан амьд явахгүйг анхааруулсан байна.
Исаут нь хөвдөг эмнэлэгт хагалгаа хийлгэн хавдраа авахуулж, эрүүндээ титан ялтас суулгуулжээ. Мөн хэсэг хугацааны дараа эмнэлэгтээ эргэн ирээд үнэ төлбөргүйгээр титан ялтасаа авахуулж, ясны эдээр орлуулснаар бүрэн эдгэрсэн аж.
Сэтгэгдэл (0)
Сэтгэгдэл бичигдээгүй байна