Нийслэл Улаанбаатар хотын түгжрэлийг бууруулах зорилгоор A B C бүсчлэлд хуваах төслийн талаар санал асуулга явуулахад иргэдийн 36 хувь нь дэмжиж, 64% хувь нь дэмжээгүй байна. Иймээс замын хөдөлгөөнийг бүсчлэлд оруулах ажлыг тодорхойгүй хугацаагаар хойшлуулжээ.
Уг төслийг нийслэлийн Замын хөдөлгөөний төлөвлөлт, зохицуулалт, инженерчлэлийн газрын даргын үүрэг гүйцэтгэгч С.Энхтөр болон холбогдох албаныхан нийслэлийн Засаг даргын зөвлөлийн өмнөх хуралдаанд танилцуулж, хэлэлцүүлээд байсан. Мөн НИТХ-ын ээлжит хуралдаанаар ч авч хэлэлцээд байв.
Тодруулбал зогсоолын асуудлаас гадна A, B бүс рүү техникийн улсын үзлэгт тэнцсэн, татвараа төлсөн, торгуулгүй жолооч нарыг зорчуулах. Бүсчлэлийг зөвхөн ажлын цагаар хэрэгжүүлж, Бүсчлэлийн тэмдэг тэмдэглэгээг тавьж өгнө. Зөрчсөн тохиолдолд Замын хөдөлгөөний дүрэмд заасны дагуу тэмдэг тэмдэглэгээг зөрчсөн гэж үзэн хариуцлага хүлээлгэх талаар яригдсан.
Харамсалтай нь иргэдийн зүгээс энэ асуудалд ихэд шүүмжлэлтэй хандаж байгаа нь олон нийтийн цахим сүлжээгээр анзаарагдаж байгаа юм.
Сэтгэгдэл (0)
Сэтгэгдэл бичигдээгүй байна