​САУДЫН АРАВИ ШАНХАЙН ХАМТЫН АЖИЛЛАГААНЫ БАЙГУУЛЛАГАТАЙ ХАМТРАН АЖИЛЛАХ ХҮСЭЛТ ГАРГАЖЭЭ

Саудын Арави, Израйль, Бангладеш, Бахрейн гэсэн улсууд Шанхайн хамтын ажиллагааны байгууллагатай илүү нягт хамтран ажиллах хүсэлт гаргаад байгаа тухай ОХУ-ын Ерөнхийлөгчийн дэргэдэх ШХАБ-ын хэрэг хариуцсан тухай төлөөлөгч Бахтиер Хакимов мэдээлсэн байна.

Тэрээр "Бид одоогоор гишүүнчлэлийн болон бусад хэлбэрээр ШХАБ-ын үйл ажиллагаанд нэгдэхийг хүссэн хүсэлтийг Израйль, Бангладеш, Саудын Арави болон бусад олон орноос хүлээж аваад байгаа" гэжээ. ШХАБ-ыг 2001 оны зургаадугаар сард ОХУ, БНХАУ, Казахстан, Тажикистан, Киргиз, Узбекистаны удирдагчид хамтран байгуулсан. ШХАБ –д саяхан Энэтхэг, Пакистан гэсэн мөнхийн өрсөлдөгч хоёр улс гишүүнээр элссэн юм.ШХАБ-ын ажиглагч орнуудын тоонд Монгол, Беларусь, Иран, Афганистан, Турк, Азербайжан, Армени, Камбож, Балба, Шри Ланка гэсэн орнууд багтдаг.