Томоохон худалдан авагчид "737MAX" загварыг онгоцыг нь худалдан авахаас татгалзах болсноор "Boeing" компани нь нэлээд хохирол хүлээгээд байгаа. Тэгвэл энэхүү хохирол нь Америкийн ДНБ-ий өсөлтөд сөргөөр нөлөөлж эхэлсэн тухай Худалдааны сайд Уилбур Росс "CNBC" сувагт ярьжээ.
Тэрээр "Жишээ болгоод сүүлийн улирлыг авч үзье. Тэгвэл "737MAX"-тай холбоотой "Boeing"-ийн асуудал нь ДНБ-ийг ойролцоогоор 0,4 хувиар бууруулсан. Энэ загварын асуудлыг арилгахаар алдагдлыг буцааж нөхөх болно" гэжээ.
2019 оны хоёрдугаар улиралд АНУ-ын эдийн засгийн өсөлтийн хурдац удааширсан байна. АНУ-ын Худалдааны яамнаас гаргасан мэдээгээр Америкийн ДНБ-ий өсөлт энэ оны эхний улиралд 3,1 хувь байсан бол хоёрдугаар улиралд 2,1 хувь болсон нь 2017 оноос хойш ажиглагдаж байгаа хамгийн доогуур үзүүлэлт.
Гэхдээ Уилбур Росс нь Америкийн эдийн засаг хүчтэй хэвээр байгаа, цаашид ч өснө гэжээ. ДНБ-ийн өсөлтийг ахин 3 хувь болгоход гурван зүйл хэрэгтэй гэж тэрээр мэдэгдсэн. Үүнд: хөдөлмөрийн чадвартай насны хангалтай олон тооны хүн ам байх ёстой. Хоёрдугаарт эдгээр хүн эдийн засгийн өндөр идэвхтэй байх ёстой.Гуравдугаарт тэдний хөдөлмөр нь өндөр бүтээлтэй байх ёстой аж. Америкт энэ гурван хүчин зүйлс хангалттай өндөр байгаа.
Сэтгэгдэл (0)
Сэтгэгдэл бичигдээгүй байна