АРДЧИЛСАН НАМААС ЕРӨНХИЙЛӨГЧИЙН СОНГУУЛЬД НЭР ДЭВШИГЧИД ОРОСЫН ТАЛААР БАРИМТЛАХ БАЙР СУУРИА ТОДОРХОЙЛЖЭЭ

О.Шүрэнцэцэг

2019/08/15

Олон улсын харилцааны Америкийн зөвлөл нь Ерөнхийлөгчийн сонгуульд Ардчилсан намаас нэр дэвшихийн төлөө өрсөлдөж байгаа хүмүүсээс Оросын талаар баримтлах бодлогынх нь талаар асуужээ.

Асуулгад оролцсон Ардчилсан намын 11 гишүүдийн дийлэнх нь Москвад үзүүлж байгаа эдийн засаг ба улс төрийн дарамт шахалтыг хэвээр хадгалж, цаашид улам нэмэгдүүлэх шаардлагатай гэсэн байна. Мөн Украйнд үзүүлж байгаа цэргийн болон санхүүгийн дэмжлэгээ нэмэгдүүлэх, тус улсын эрчим хүчний аюулгүй байдлыг хангахад илүүтэй анхаарах ёстой гэцгээсэн байна.

2020 оны сонгуульд Ардчилсан намаас нэр дэвшихийн төлөө 20 улстөрч өрсөлдөж байгаа. Тэдний дотроос дэд Ерөнхийлөгч асан Жо Байден, Массачусетс мужаас сонгогдсон сенатч Элизабет Уоррен, Вермонт мужаас сонгогдсон сенатч Берни Сандерс, Калифорни мужаас сонгогдсон Камала Харрис нар хамгийн өндөр рейтингтэй явааг "RealClearPolitics"-аас явуулсан санал асуулга харуулжээ.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ