Афганистаны нийслэл Кабулд хуримын үеэр шашны хэнээтэн амиа золиослогч бөмбөг дэлбэлсний улмаас 63 хүн амиа алдаж, 180 гаруй хүн шархадсан тухай тус хотын цагдаагийн газрын мэдээг "Xinhua" агентлаг уламжилсан байна.Кабул хотын баруун хэсэгт оршин дүүрэгт болсон хуримын ёслолд 1200 гаруй хүн уригдаад байсан тул ингэж олон хүн хохирчээ. Дэлбэрэлт болсны дараагаар Афганистаны Ерөнхийлөгч нь алан хядах ажиллагааны бурууг "Талибан" хөдөлгөөнд тохсон. Гэтэл "Лалын улс" алан хядах байгууллагаас мэдэгдэл хийж тус дэлбэрэлтийг хийсэн гэдгээ зарласан байна.
Сэтгэгдэл (0)
Сэтгэгдэл бичигдээгүй байна