Америкийн тэрбумтан, Нью-Йорк хотын мэрийн зөвлөх асан Сэм Кислин нь Украйны экс Ерөнхийлөгч Порошенког таван жил төрийн тэргүүн хийхдээ найман тэрбумаас багагүй долларыг луйврын аргаар эх орноосоо гарган завшсан тухай мэдэгджээ.Украйны "Страна.ua" сайтад ярилцлага өгөхдөө Украйны Ерөнхий прокурор Юрий Луценког ч Порошенкотой хамтран олон зуун сая доллар доллар хулгайлсан гэж буруутгасан байна. Мөн экс Ерөнхийлөгчийг тусламжийн мөнгийг хилийн чанад руу гаргасан байж болзошгүй гэсэн үндэслэлээр АНУ-д хэд хэдэн эрүүгийн хэрэг үүсгээд байгааг хэлжээ.Порошенко нь Олон улсын валютын сангаас Украйнд зээл болгон өгсөн тэрбум долларыг арилжааны банкнуудад дахин санхүүжилт өгөх нэрийдлээр тараагаад, тэндээсээ хил давуулан хамсаатнуудын хамт халаасласан гэж Кислин мэдэгджээ.Кислинийг Украйны төрийн тэргүүний авлигын талаар мэдээлэл тарааж байсан тул Порошенког Ерөнхийлөгч байх үед Украйн руу нэвтрэхийг нь хориглоод байсан юм. Харин Зеленскийг Ерөнхийлөгчөөр сонгогдсоны дараа тэрээр Украйнд ирж экс Ерөнхийлөгчийн талаарх мэдээллээ өгөх гэж байгаа аж. Украйны авлигатай тэмцэх албанаас экс Ерөнхийлөгчийн эсрэг 11 эрүүгийн хэрэг үүсгэн шалгаж байгаа юм.
Сэтгэгдэл (0)
Сэтгэгдэл бичигдээгүй байна