Охид, бүсгүйчүүд хоолны дэглэм барьж байна хэмээн хоол идэхгүй удаан хугацаагаар явах , дур мэдэн янз бүрийн хүнсний нэмэлт бүтээгдэхүүн хэрэглэх нь олон төрлийн өвчний үндэс болж байна. Тухайлбал удаан хугацаагаар хоол идэхгүй дэглэм барих нь сэтгэл санааны гутралд оруулах бүүр цаашлаад үргүйдүүлдэг болохыг мэргэжлийн эмч нар анхааруулж байна. Тухайлбал бөөрний өрөвсөлтэй байснаа мэдэлгүй уургийн дэглэм барьсан эмэгтэй бөөрний өрөвслөө хүндрүүлсэн , жирэмсэн үедээ уураг болон өөрт хэрэгцээт амин дэмээ авалгүй дэглэм барьснаас болж ураг эндсэн харамсалтай тохиолдлууд гарсаар байна. Өсвөр насны охид,залуучууд турахын тулд эмчийн зөвлөгөөгүй уургийн бэлдмэл хэрэглэж улмаар дааврын өөрчлөлттэй болж цаашлаад үргүйдэлд хүрэх явдал гарч ирсэн байна. Тиймээс тухай хүн өөрт тохирсон хоолны дэглэмийг зөвөөр барьж өөрт хэрэгтэй амин дэмээ авбал ямар нэгэн асуудал гардаггүй гэдгийг ч мэргэжлийн эмч болон хоол зүйч нар хэлж байна.
-Зөв хооллолт гэж юуг хэлэх вэ?
-Яг ийм тийм хүнсийг зөв хооллолт гэнэ гэсэн тодорхойлолт тохиромжгүй. Хүн өөрийн биед шаардлагатай шим тэжээлээ зохистой хэмжээгээр хоол хүнснээсээ авахыг зөв зохистой хооллолт гэж болох юм. Харин зөв хооллолт нь хоолоо сойх, зарим хэсгийг нь хязгаарлахыг хэлэхгүй.
-Сүүлийн үед хүн амын дунд таргалалт эрс нэмэгдэж байна. Энэ зохисгүйхооллолттой холбоотой юу?
-Насанд хүрэгчдийн таргалалт их байгаагийн дээр хүүхдүүдийн дунд бас таргалалт ихэсч байгаа нь санаа зовоох асуудлын нэг болоод байна. Бага насандаа хэт их таргалбал өсвөр наснаас эхлэн халдварын бус архаг өвчин тусах магадлал өндөр болдог. Ерөнхийдөө таргалалтын гол шалтгаан нь хооллолт, амьдралын буруу хэв маяг, хөдөлгөөний дутагдлаас болж байна. Мөн шаардлагатай шим тэжээлээ авах олон төрлийн хоол хүнс буюу мах, үр тариа, хүнсний ногоо, жимс, сүүн бүтээгдэхүүнийг өдөр тутмын хоол хүнсэндээ хэрэглэхгүйгээс халдварын бус архаг өвчлөл үүсдэг. Тухайлбал, даралт ихсэх, таргалалт, чихрийн шижин зэрэг халдварын бус архаг өвчнүүд нь хооллолт, амьдралын буруу хэв маягаас үүсдэг.
Сэтгэгдэл (0)
Сэтгэгдэл бичигдээгүй байна