Ухаалаг утас, тэр дундаа утасны тоглоомын зохистой хэрэглээний талаар сүүлийн үед их яригдаж байгаа. Хүүхэд залуучууд утсаараа олон нийтийн сүлжээгээр холбогдох, тоглоход хэт их цаг зарцуулж, бодит амьдралаас холдож байгаад олон хүн сэтгэл түгшиж байна.Гар утасны зохистой хэрэглээтэй нэгэн явдал Хятадад болсон тухай "WorldOfBuzz" сайт мэдээлсэн байна. Хэфэй хотод амьдардаг 9 настай жаал гар утсаараа хэт удаан тоглосны улмаас нүдэнд нь өөрчлөлт орж солир болжээ. Жаал хүү сургуулийн амралтаараа өдөрт 10 цаг тоглож өнгөрөөсөн аж. Эцэг, эх нь үүнд зохих ёсоор анхаардаггүй байтал хүү нь юм харахдаа нүдээ сөлийдөг болсныг хараад эмчид үзүүлсэн байна. Эмч үзээд гар утас ширтэн олон цагийн турш тоглож байсны уршгаар нүднийх нь байрлал өөрчлөгдсөн, хараа нь их муудсан гэжээ. Хурц гэрэлтэй дэлгэцийг ойроос олон цагаар ширтэх явцад нүдний алим сунаж хараа нь муудсан, солир болсон байна.Иймд хүү хүчтэй линз зүүж, янз бүрийн эмчилгээ хийлгэх шаардлагатай болсон төдийгүй солироо арилгахын тулд мэс засал хийлгэхээс өөр аргагүй болсон байна.
Сэтгэгдэл (0)
Сэтгэгдэл бичигдээгүй байна