"Instagram" дээр элдэв чамин зураг байршуулсаар Колумб улсдаа нэрд гарсан моделийг насанд хүрээгүй охидыг албадан, мөнгөөр биеийг нь үнэлүүлдэг байсан хэргээр шүүж байгаа тухай "New York Pos" сонин мэдээлсэн байна. "La Madame" гэсэн нэрээр "Instagram"-д алдаршсан 48 настай эмэгтэй үнэтэй, гоё хувцас хэрэглэлтэй, тансаг газар авахуулсан зургаа тавих замаар охид, бүсгүйчүүдийн анхаарлыг татдаг байж. Улмаар тэдэнтэй холбоо тогтоон өөртэй нь адил нэр алдартай модель, загвар өмсөгч болгоно гэж амлаад гэртээ дууддаг. Ирэхээр нь бичиг баримтыг нь хурааж аваад сүрдүүлэг, албадлагаар нэр алдартай хүмүүст сексийн үйлчилгээ үзүүлэхээс өөр аргагүй болгодог байсан аж. Тэрээр Колумбын Картахена хотоос биеэ үнэлэгчдийн сүлжээг удирдан ажиллуулдаг байсан бөгөөд ойролцоогоор 400 орчим охидыг түүндээ албадан элсүүлсэн байжээ. "La Madame"-ийн үйлчлүүлэгчдийн дотор Колумбд олны танил болсон хүмүүс, нөлөө бүхий улстөрчид ч байсан аж. Мөн "La Madame" нь охидын бие дээр өөрийн өмч гэдгийг заасан тусгай шивээс хүчээр хийлгэж, дарамт үзүүлдэг байсан байна.
Сэтгэгдэл (0)
Сэтгэгдэл бичигдээгүй байна