АНУ-ын Ерөнхийлөгч Трамп "G7"-ийн уулзалтын үр дүнгийн талаар хэвлэлийн хурал хийхдээ худалдааны хориг арга хэмжээний улмаас БНХАУ нь гурван сая ажлын байр алдаад байгаа тухай мэдэгдсэн байна. Цаашдаа тохиролцоонд хүрч чадаагүй тохиолдолд бүр ч олон хүн ажилгүй болох тухай анхааруулжээ.
Америкийн авч байгаа худалдааны хориг арга хэмжээний хариуд Хятадын эрх баригчид америк бараа бүтээгдэхүүнд жилийн 75 тэрбум долларын нэмэлт татвар ногдуулаад байгаа. Нэмэлт татварыг 5078 нэр төрлийн бүтээгдэхүүнд ногдуулсны дотор төрөл бүрийн буурцаг, түүхий газрын тос орсон байна. Хятадын газрын тосны эрэлт асар өндөр тул Америкаас багагүй хэмжээгээр худалдан авдаг байсан. Харин ингэж өөрийн стратегийн чухал импортдоо нэмэлт татвар ногдуулж байгаа нь худалдааны дайнд ямар ч буулт хийхгүйн баталгаа боллоо гэж зарим шинжээч дүгнэж байсан.
Үүний хариуд Трамп нь хятад бараа бүтээгдэхүүнд бүр ч өндөр татвар ногдуулах шийдвэр гаргаад байгаа. Өмнө нь Хятадад үйлдвэрлэгдсэн олон тооны бараа бүтээгдэхүүнд нийт 300 тэрбум долларын 10 хувийн нэмэлт татвар ногдуулах тухай ярьж байсан бол одоо бусад бүтээгдэхүүнд нийт 250 тэрбумын 25 хувийн нэмэлт татвар ногдуулах тухайгаа мэдэгдсэн байна.
Сэтгэгдэл (0)
Сэтгэгдэл бичигдээгүй байна