АНУ-ын Айдахо мужийг захиргааг Адри Эдмо гэгч трансгендер хоригдолд хийлгэх хүйсийн шинж тэмдэгийг арилгах өндөр үнэтэй хагалгааны зардлыг даах шийдвэрийг тус улсын Холбооны давж заалдах шатны шүүхээс гаргажээ. Эдмо нь хүйсийн гутрал гээчийн хүнд хэлбэрээр шаналдаг нэгэн аж. Тэрээр хоёр ч удаа сахлын хутгаар өөрийгөө агтлахыг оролдож, олон удаа өөрийгөө гэмтээж байсан хүн юм байна. Иймд хоригдож байгаа ч эмчилгээ авах эрхээ эдлэн сэтгэл санааг нь гутралд оруулж байгаа хүйсийг ялгагч шинж тэмдэгүүдийг арилгах хагалгааг мужийн татвар төлөгчдөөр даалгах эрхтэй гэж үзэн шүүхэд хандсан нь ийнхүү амжилт олжээ. Энэ шийдвэр АНУ дахь бусад төстэй хэргүүд дээр шүүхээс адил шийдвэр гаргах жишиг шийдвэр болж магадгүй гэж үзэж байна. Хэрэв ингэвэл хорих ял эдэлж байгаа хэрэгтнүүдэд хүйс солих мэс засал хийхийг шоронд зайлшгүй үзүүлэх ёстой эмнэлгийн тусламжийн жагсаалтад оруулж магадгүй. Шүүхий энэ шийдвэрт Айдахо мужийн амба захирагч Брэд Литтл ихэд дургүйцжээ. Тэрээр энэ шийдвэрийг "туйлын сэтгэл гонсойлгосон" гэж нэрлээд илүү чухал зүйлд зарцуулах ёстой татвар төлөгчдийг мөнгийг улс ингэж өөр зүйл рүү чиглүүлэх ёсгүй гэсэн байна. Улмаар энэ шийдвэрийг АНУ-ын дээд шүүхэд давж заалдах тухайгаа мэдэгдсэн байна.
Сэтгэгдэл (0)
Сэтгэгдэл бичигдээгүй байна