Испанийн Валенси мужийн Буньол хотноо жил болгон явагддаг "Томатино" гэж нэрлэгддэг улаан лоолиор шидэлцэх наадам ээлжит удаагаа болж, 22 мянган хүн оролцсон байна. Энэ жил 74 дэх удаагаа явагдаж байгаа "тулаанд" зохион байгуулагчид нь 145 тонн улаан лооль зарцуулсан тухайгаа мэдээлжээ. "Томатино"-д ашиглах улаан лоолийг урьдчилан хураагаад шидэлцэх үед хүнд гэмтэл учруулахгүй үүднээс тусгай температурт олон хоногоор хадгалан хальсыг нь зөөллөх арга хэмжээ авдаг. Энэхүү тулаан нь тус хотыг ивээгч гэгддэг Гэгээн Луи Бертранд зориулан зохиогддог их наадмын өмнө болдог бөгөөд тус наадам нь долоо хоног үргэлжилдэг.
Сэтгэгдэл (0)
Сэтгэгдэл бичигдээгүй байна