Хятадын эрх баригчид Шаньдун мужийн Циндао хотын боомтод Америкийн Тэнгисийн цэргийн хүчний усан онгоцыг түр зогсох зөвшөөрөл хүсэхэд татгалзсан хариу өгсөн тухай "Reuters" агентлаг мэдээлж байна. Америкийн байлдааны онгоц энэ ням гарагт Хятадын боомтод зангуугаа хаях ёстой байсан ч Хятадын эрх баригчид тайлбар өгөлгүйгээр татгалзсан аж. Үүнээс өмнө Америкийн байлдааны усан онгоцнууд 2017 онд л Хятадын боомтуудад түр зогсож байжээ.
БНХАУ-ын Гадаад харилцааны яамны төлөөлөгч Гун Шуан нь Циндао хотын боомт руу Америкийн усан онгоцыг оруулахгүй шалтгааны талаарх асуултад тодорхой хариу өгөөгүй байна. Тэрээр "Надад тэр тохиолдлын талаарх мэдээлэл байхгүй тул цэргийнхэнд хандахыг зөвлөж байна" гэжээ. Үүний өмнө АНУ-ын Тэнгисийн цэргийн хоёр усан онгоцыг Хонконг дахь боомтод түр саатах хүсэлт гаргахад Хятадын эрх баригчид мөн л тайлбар өгөлгүйгээр татгалзсан юм.
Сэтгэгдэл (0)
Сэтгэгдэл бичигдээгүй байна