Германы зэвсэгт хүчин нисдэггүй байлдааны онгоц, асдаггүй танк гээд олон асуудалтай тулгараад байтал цэргүүдээ гутлаар хангаж чадахгүй болох гэсэн ахин нэг асуудалтай тулгарсан тухай "Die Welt" сонин бичсэн байна. Шинэ гутал нийлүүлэх ажил тасалдсан талаар Батлан хамгаалах яам нь "Зэвсэгт хүчинд зориулсан гутал үйлдвэрлэх шинэ хөтөлбөр нь төлөвлөгөө ёсоор 2022 оны хоёрдугаар улиралд дуусах ёстой" гэжээ. Гэвч үүнээс өмнө нь Батлан хамгаалах яам нь 2020 оны сүүл гэхэд албан хаагчдын гутлыг нийлүүлж дуусна гэж байсан аж. Цэргийн гутал нийлүүлэх ажил тасалдсаныг үйлдвэрийн хүчин чанад хүрэлцэхгүй байгаагаар тайлбарласан байна. Үүний үр дүнд Германы армийн 180 мянган цэргийн албан хаагчаас ердөө 31 мянга нь л жилийн турш өмсөх хоёр хос гутлаар хангагдаад байгаа юм байна. Германы парламент дахь Чөлөөт Ардчилсан намын төлөөлөгч энэ байдал нь улсын аюулгүй байдалтай холбоотойг онцлоод "Хэрэв манай гал сөнөөгчид түймрийг углааштай явж унтраадаг байсан бол яах байсныг төсөөлөөд үзээрэй" гэсэн байна.
Сэтгэгдэл (0)
Сэтгэгдэл бичигдээгүй байна