Америкийн "Nike", "Adidas", "Converse" зэрэг гутал үйлдвэрлэгч 200 гаруй компани Ерөнхийлөгч Трампт хандан Хятадын бараа бүтээгдэхүүнд нэмэлт татвар ногдуулахгүй байхыг хүссэн тухай "CNN" мэдээлж байна. Тус компаниудын багтдаг "Америкийн худлын жижиглэн худалдаа ба дистрибьютерүүдийн ассоциац" (FDRA)-аас Ерөнхийлөгчдөө хандан бичсэн захидалд "Нэмэлт татвар авах энэхүү арга хэмжээ нь цаашдаа эдийн засгийн тодорхойгүй байдал үүсгэнэ гэдэгт бид сэтгэл зовниж байна. Америкийн хэрэглэгчид бараа бүтээгдэхүүний төлөө илүү үнэ төлдөг болсон ч гэлээ эдийн засгийн уналт нь тэднээс ирэх цэвэр ашгийг бууруулах болно" гэж өгүүлжээ. Ирэх сарын 1-ээс Хятад үйлдвэрлэгдсэн 300 тэрбум долларын бүлэг бүтээгдэхүүний татварыг 15 хувиар нэмэгдүүлж байгааг FDRA нь Америкийн худалдан авагчдад ногдуулж байгаа далд татварын хэлбэр гэж үзжээ. Наймдугаар сарын 23-нд Бээжин АНУ-ын зарим бүтээгдэхүүнд нэмэлт 75 тэрбум долларын татвар ногдуулах шийдвэр гаргасан. Үүний хариуд Трамп нь Хятадад үйлдвэрлэгдсэн эхний бүлэг бүтээгдэхүүний татварыг 10 бус 15 хувиар нэмж, хоёр дахь бүлэг бүтээгдэхүүний татварыг 25 бус 30 хувиар нэмэгдүүлэх шийдвэр гаргаад байгаа юм.
Сэтгэгдэл (0)
Сэтгэгдэл бичигдээгүй байна