"Bloomberg" агентлагийн сэтгүүлчид алдарт "Америк мөрөөдөл" гэгчийг орчин үед биелэх боломжтой гэдэгт эргэлзжээ. Тэд Кливлендийн Холбооны нөөцийн банкнаас гаргасан мэдээлэл дээр үндэслэн шударгаар хөдөлмөрлөн баян тансаг амьдрах тухай Америкийн үндэсний мөрөөдөл яагаад биелэх боломжгүй болж байгааг тайлбарлажээ.
Юуны өмнө АНУ-ын хүн амын хамгийн баян 10 хувьд багтдаггүй хүмүүсийн баяжих боломж нь сүүлийн жилүүдэд улам л хумигдах болсон. Бүр тодруулбал энэ боломж нь сүүлийн 30 жилийн дотор хоёр дахин багассан. Ингэж өөрчлөгдөх дөрвөн шалтгаан байна. Үүнд:
Өрсөлдөөн тэнцвэргүй болсон. Дөнгөж эхэлж байгаа бизнесмен нь том корпорацуудтай өрсөлдөн амжилтад хүрэх боломж тун ялихгүй.
Үнэт цаасны зах зээл дээрх эрсдэл хэт их болсон. Тул жирийн иргэд ийм байдлаар баяжих бараг боломжгүй болсон.
Гуравдугаарт нь олон жилийн турш хүмүүс үл хөдлөх хөрөнгийн наймаа хийгээд баяждаг байсан нь больсон. Бүгд ийш ханарч эхлэхэд үүссэн санхүүгийн "хөөс" 2008 онд хагарсан.
Нийгмийн давхарга тус бүрийн хүүхдийн боловсролыг хангах боломж дэндүү ялгаатай болсон. Баячуул технологийн хамгийн сүүлийн үеийн ололт амжилтыг ашиглан хүүхдүүддээ боловсрол олгож байгаа нь цаашдын өрсөлдөөнд илэрхий давуу тал бий болгодог.
Энэ бүхний үр дүнд "нийгмийн лифт" бүрэн эвдэрч үгүй болоогүй ч гэлээ жирийн америк хүн түүгээр ашиглах боломж нь улам л багасч байгаа гэсэн дүгнэлтийг "Bloomberg" хийжээ.
Сэтгэгдэл (0)
Сэтгэгдэл бичигдээгүй байна