Ш.ЖАРГАЛСАЙХАН: НААДМЫН КОМИССООС ЯМАР Ч ШИЙДВЭР ГАРГАСАН ХҮЛЭЭН ЗӨВШӨӨРНӨ

Үндэсний их баяр наадмын дөрвийн даваанд барилдаж, элэг бүсээ өгөхдөө учраа бөхөө санаатайгаар тохойлдож зүй бус үйлдэл гаргасан Улсын гарьд Ш.Жаргалсайханд хариуцлага тооцохыг Үндэсний бөхийн салбар хороонд даалгасан юм. Завхан аймгийн Идэр сумын харьяат тэрбээр дөрвийн даваанд Дорнод аймгийн Цагаан-Овоо сумын харьяат, аймгийн арслан П.Мөнхбатад өвдөг шороодоод ийнхүү ёс зүйгүй үйлдэл гаргасан юм. Энэ үйлдэлд нь тооцох хариуцлага нь түүний барилдах эрхийг нэг жилээр хасах хариуцлага байх талаар зарим хэвлэлүүд бичиж байна. Харин энэ талаар Улсын гарьд Ш.Жаргалсайханаас тодруулахад "Ёс зүйгүй үйлдэл гаргасандаа харамсаж байна. Хариуцлага хүлээлгэх талаах Бөхийн салбар хорооны дарга н.Жаннчивдорж гуай утасдаж хэлсэн. Мөнгөн торгууль байх оногдуулах юм байна гэж би ойлгосон" гэлээ.

Үндэсний баяр наадмыг зохион байгуулах хорооноос түүнд шийтгэл оногдуулахаа албан ёсоор мэдэгдэж улмаар Үндэсний бөхийн салбар хороо өнөөдөр Ш.Жаргалсайхантай уулзалт хийсэн байна.

Сайн байцгаана уу сайхан намаржиж байна уу. Эрхэм та бүхэнд энэ өдрийн мэнд хүргэе.

Ардын хувьсгалын 98 жилийн ойн баяр наадмын 4-ийн даваанд Дорнод аймгийн арслан П.Мөнхбатад тахим өгөх үедээ ёс зүйгүй үйлдэл гаргасандаа нийт Монголын бөх сонирхогч ард түмэн, энэ спортыг сонгон хичээллэж үндэсний өв соёлоо өвлөн авч явж байгаа хүүхэд, залуусаас уучлал хүсэж байна.Өнөөдөр үндэсний их баяр наадмыг зохин байгуулах салбар хорооны хуралдаан болж тухайн асуудлыг хэлэлцэж байна хуралдаанаас гарах шийдвэрийг миний бие хүлээн зөвшөөрнө.

Хүнтэтгэсэн: Монгол Улсын гарьд Ш.Жаргалсайхан.