АНУ-ын Холбооны худалдааны комисс нь "Google" компанийг насанд хүрээгүй хүүхдүүдийн хувийн мэдээллийг хамгаалах тухай хуулийг зөрчсөн гэж үзээд 200 сая долларын торгууль төлүүлэхээр тохиролцоонд хүрэн тухай "The Wall Street Journal" сонин мэдээлсэн байна. 2018 онд "Google"-ийн мэдлийн "YouTube" үйлчилгээг эцэг эхийн зөвшөөрөлгүйгээр хүүхдийн талаарх мэдээлэл цуглуулахыг хориглодог Америкийн хуулийг зөрчиж байгаа тухай гомдлыг хэд хэдэн ТББ-аас гаргасан байна. Холбооны худалдааны комиссод гаргасан мэдэгдэлд нь "YouTubе" нь хүмүүсийн анхаарлыг баттай татах реклам тохируулахын сонгохын тулд олон сая хүүхдийн байршил, сонирхол зэрэг зүйлсийнх нь талаарх мэдээллийг нэлээд хэдэн жилийн турш цуглуулсан болохыг онцолжээ. Ингэхдээ хүүхдүүдийн эцэг эхээс ямар ч зөвшөөрөл асуугаагүй аж. Иймийн тулд хүүхдийн эрхийг хамгаалагчид нь "Google" компаниас олон тэрбум долларын торгуул төлүүлэхийг шаардаж байсан юм.Торгууль төлснөөс цаашид "YouTubе" нь хүүхдэд зориулсан сурталчилгааны бичлэг үзүүлэхгүй, тэднийг өөрт нь тусгайлан зориулагдаагүй мэдээ материалаас хамгаалах нэмэлт арга хэмжээ авах бололтой.
Сэтгэгдэл (0)
Сэтгэгдэл бичигдээгүй байна