Наймдугаар сарын 31-нд Америкийн Техас мужийн нэгэн хотын зам дээр буудалцаан болж, хоёр хүн амиа алдан хорин хүн шархадсан тухай "The New York Times" мэдээлжээ. Гэхдээ буудалцааны талаар янз бүрийн мэдээ ирж байна. Тухайлбал, "ABC News" шуудангийн бүхээгтэй машин хулгайлсан унасан этгээд Техас мужийн Одесса хотын замд таарсан хүмүүс рүү замбараагүй гал нээсэн тухай мэдээлсэн. Үүнээс гадна Мидленд хотод өөр нэгэн зэвсэгт хүн шар өнгийн ачааны жижиг тэргээр явж хүмүүсийг буудсан гэж цагдаа нар мэдэгдсэн байна. Одесса ба Мидленд хотууд хоорондоо 40 км-ийн зайтай байдаг аж. Өнгөрсөн сард АНУ-д гэмгүй хүмүүс рүү буудсан хэрэг хэд хэдэн удаа гарсан. Наймдугаар сарын 4-нд Охайо мужийн Дейтон хотын төвд Коннор Бетс гэгч оршин суугчид руу гал нээсний улмаас 9 хүн амиа алдаж, 27 хүн шархадсан. Үүний дараа Чикаго хотод бас нэг этгээд гал нээхэд долоон хүн шархадсан бол Техас мужийн Эль-Пасод буудалцахад 20 хүн амиа алдаж, олон арван хүний шархадсан.
Сэтгэгдэл (0)
Сэтгэгдэл бичигдээгүй байна