Энэтхэгийн Эрүүл мэндийн яамнаас ажил үүргээ гүйцэтгэж яваа эмч, эмнэлгийн ажилтнуудын биед халдсан тохиолдолд онцгой ял оноодог хууль санаачлан батлуулахаар болж байгаа тухай "Aaj Tak" суваг мэдээлж байна. Хэлэлцэж байгаа хууль батлагдвал ажлаа хийж байгаа эмч, эмнэлгийн ажилтнууд руу дайрсан этгээдэд 10 хүртэл жил хорих, 1 сая рупигээр торгох ял оноодог болно. Наймдугаар сарын 31-нд Энэтхэгийн Ассам мужийн цайны бутны тариалан дээр гэмтсэн ажилчинд тусламж үзүүлсэнгүй гэж 200 гаруй хүн нийлэн зодож аминд хүрсэн явдал гарсны дараа арга буюу ийм санал дэвшүүлэхээр шийдсэн аж. Энэ хэргийг цагдаа нар шалгаж байгаа бөгөөд тухайн үед байсан гэх 20 гаруй хүнийг сэжигтнээр саатуулаад байгаа юм байна.
Сэтгэгдэл (0)
Сэтгэгдэл бичигдээгүй байна