2019 оны 1-6 саруудад Киргизийн эдийн засагт хийгдсэн гадаадын шууд хөрөнгө оруулалтын хэмжээ 393,7 сая доллар хүрсэн нь 2018 оны мөн үеийнхээс 59,4 хувиар өндөр байгаа тухай тус улсын Үндэсний статистикийн хороо мэдээлжээ. Гэхдээ үүнтэй зэрэгцээд Киргизийн эдийн засгаас буцаан татагдсан шууд хөрөнгө оруулалтын хэмжээ өмнөх оны мөн үеийнхээс 15,5 хувиар өсөж 273 сая долларт хүрсэн байна. Хийгдсэн шууд хөрөнгө оруулалтын дотор геологийн хайгуулд хийсэн хөрөнгө оруулалт 3,6 дахин, боловсруулах үйлдвэрүүдэд хийсэн хөрөнгө оруулалт 2,7 хувь, мэдээлэл ба харилцааны холбооны салбарынх 0,5 хувиар өссөн. Гэхдээ ашигт малтмал олборлох үйлдвэрүүдэд хийсэн хөрөнгө оруулалт 1,8 хувь, санхүүгийн зуучлал ба даатгалын салбарт хийсэн хөрөнгө оруулалт 1,4 хувиар буурчээ. Өрнөдийн орнуудаас ирэх шууд хөрөнгө оруулалтын хэмжээ өнгөрсөн оныхоос 1,8 дахин өсөж. Үүний дотор Канадаас ирэх нь 8,9 дахин, Их Британиас 4,6 дахин, Хятадаас хийгдсэн шууд хөрөнгө оруулалт 1,9 дахин, Нидерландын 1,4 хувь тус тус өсжээ. Хамгийн их хөрөнгө оруулалт хийсэн улс нь БНХАУ байсан бөгөөд гадаадын нийт хөрөнгө оруулалтын 46,2 хувь нь энэ улсынх байна. Дараа нь 16,4 хувьтай Их Британи, 11,2 хувтай, Канад, 8 хувьтай Нидерланд, 4,4 хувьтай Турк улсууд удаах байруудад оржээ. Харин ОХУ-аас хийгдсэн шууд хөрөнгө оруулалтын хэмжээ 1,7 дахин, Казахстаных 1,5 дахин буурчээ.
Сэтгэгдэл (0)
Сэтгэгдэл бичигдээгүй байна