Пакистаны Ерөнхий сайдын мэдээлэл, зурагт радио хариуцсан тусгай туслах, Засгийн газрын хэвлэлийн нарийн бичгийн даргын үүрэг гүйцэтгэгч Фирдоус Ашик Аван нь Кашмирын асуудалд сөрөг хүчний хандаж байгаа байр суурийг хатуу шүүмжилсэн байна.
Пакистаны "Dunya News" ТВ сувгийн мэдээлж байгаагаар Засгийн газрын хэвлэлийн төлөөлөгч нь Кашмирын асуудлыг "Бүх үндэстний хэрэг" гэж нэрлэжээ. Фирдоус Ашик Аван нь сөрөг хүчний зүгээс Засгийн газрыг Кашмирын ард түмний хамгаалах чадваргүй гэж мэдэгдэж байгаа нь ямар ч үндэслэлгүй болохыг онцолж. Мөн Кашмирын асуудлын энэ мэтээр улс төрийн зорилгоор ашиглах нь Пакистаны үндэсний эв нэгдлийг үгүй хийх аюултай гэж анхааруулжээ.
Үүний өмнөхөн Пакистан дахь шашны хэт явцуу үзэлтнүүд Засгаа газраа Кашмирын асуудлыг шийдэх чадваргүй гээд Исламабад руу аян хийж түлхэн унагахыг уриалсан юм.
Энэ бүхэн Энэтхэгийн парламентынх доод танхимааас өнгөрсөн сард гаргасан шийдвэртэй холбоотой юм. Олон улсын хэмжээнд ээдрээ үүсгэсэн тус шийдвэрийн дагуу Жамму ба Кашмир мужийг тусдаа үндсэн хуультай байх зэрэг давуу эрх олгож байсан онцгой статусыг халсан. Мөн мужийн газар нутгийг Энэтхэгийн Засгийн газрын шууд удирдлага дор байдаг Жамму ба Кашмир гэсэн нэг хэсэг, Ладакх гэсэн өөр нэг хэсэг болгон хуваасан. Шинээр бий болгосон Ладакх холбооны газар нутагт бие даасан хууль тогтоох байгууллага гэж үүсгэхгүй. Энэхүү шийдвэрийг Пакистан нь Кашмир муж дахь лалын шашинтнуудын эрх ба олон улсын эрх зүйг ноцтой зөрчсөн зүйл гээд эрс эсэргүүцсэн. Энэтхэгийн шийдвэрийг БНХАУ мөн адил шүүмжилсэн юм.
Сэтгэгдэл (0)
Сэтгэгдэл бичигдээгүй байна