Атлантын далайд дэгдээд байгаа "Дорион" хар салхи эрчээ авч салхиных хурд 257 км/ц хүрч, хамгийн аюултай тавдугаар түвшнийх болсон тухай АНУ-ын хар салхи хянах үндэсний төвөөс мэдээлжээ. Цаг агаар судлаачид "Даваа гарагт Абака арал болон Багамын арлуудад үер буулгаж болзошгүй их хэмжээний аадар бороо, хүчтэй шуурга, далайн давлагааны удаан үргэлжлэх үе эхэлж байна" гэжээ. "Дорион" хар салхи нь чиглэлээ өөрчлөн хойд зүгт эргэж байгаа тул дараагийн долоо хоногоос Жоржи ба Өмнөд Каролина мужуудын далайн эрэг орчмын бүс нутгийн дайрч магадгүй болжэ. Үүнээс өмнө хар салхины эхний цохилт ирнэ гэж хүлээж байсан Флорид мужид хэдийн онц байдал зарлаад байна. Хар салхи чиглэлээ өөрчилсөн тухай мэдээний дараагаар Өмнөд Каролинад мөн л онц байдал зарласан байна. АНУ-ын Ерөнхийлөгч Дональд Трамп нь шуурганы талаар Twitter хуудсандаа "Манай агуу Өмнөд Каролианд бидний бодож байснаас хавьгүй хүчтэй цохилт ирж магадгүй боллоо. Жоржи болон Умард Каролина ч мөн адил" гэж жиргэсэн байна. Мөн "Дориан" нь сүүлийн арваад жилийн хугацаанд үссэнээс хамгийн хүчтэй хар салхи болж ч магадгүй байна. Трамп нь байгалийн энэ гамшигт үзэгдэл дайрах үеэр эх орондоо байхын тулд Польшд болсон Дэлхийн хоёрдугаар дайн эхэлсэнтэй холбоотой хүндэтгэлийн арга хэмжээнд оролцохоос больж, дэд Ерөнхийлөгч Пенсийг явуулсан. Энэ улиралд үүсээд байгаа дөрөв дэх хар салхи юм. Өмнөх гурван хар салхинаас зөвхөн "Барри" л хүний аминд хүрсэн. Харин өнгөрсөн улиралд Флорид мужийг "Гордон", "Майкл" гэсэн хоёр хар салхи дайрахад олон арван хүн хохирч байсан.
Сэтгэгдэл (0)
Сэтгэгдэл бичигдээгүй байна