Бразилийн Сан –Паулу хотод амьдардаг 45 настай эмэгтэй ижил хүйстэн бэлгийн чиг хандлагатай хүүдээ тус болох үүднээс хүүхдийнх нь тээгч эх болсон тухай "The Sun" сонин мэдээлсэн байна. 24 настай ижил хүйстэн хүүгээ хүүхэдтэй болоход туслахын тулд Вальдира дас Невес нь дөрвөн ч удаа хуруу шилний үр тогтоолт хийх ажилбар хийлгэж байгаад энэ оны нэгдүгээр сард хөл хүнд болсон юм байна. Улмаар есдүгээр сарын 3-нд хүү, охин хоёр төрүүлжээ. Энэ талаар ижил хүйстэн хүү нь ярихдаа "Дөрвөн жилийн өмнө эх маань миний эцгээс хөл хүнд болсон ч охин нь долоон сартай төрөөд долоо хоногийн дараа өөд болсон юм. Иймд бид ээждээ хүүхдүүдийг минь өсгөх боломж олгохоор шийдсэн юм. Миний үрийн шингэн ба нэрээ нууцалсан донорын өндгөн эсэд үр тогтоосон нь амжилттай боллоо. Бурхан өршөөж ээж маань ургийг тээж чадсан. Миний мөрөөдөл биелж хүүхэдтэй болсон нь ямар сайн юм бэ" гэжээ. Амьдрал гэдэг ямар ч адармаатай зохиолоос арвин баялаг гэдэг. Хэдхэн жилийн өмнө ийм зүйл болно гэвэл итгэх хүн гарахгүй байсан биз.
Сэтгэгдэл (0)
Сэтгэгдэл бичигдээгүй байна