Зимбабве улсын экс Ерөнхийлөгч Роберто Мугабег оршуулах ёслол есдүгээр сарын 13-нд болох тухай тус улсын Гадаад хэргийн яамнаас албан ёсны нот бичгийг гадаадын холбогдох байгууллагуудад явуулсан байна. Сингапурын нэгэн эмнэлэгт өөд болсон экс дарангуйлагчийг цогцсыг энэ сарын 11-нд нутагт нь хүргэх аж.
Мугабе нь цагтаа Африкийн хамгийн баян орны нэг гэгдсэн байсан Зимбабвег цагаан арьстнуудын колоничлолоос чөлөөлөх хөдөлгөөнийг удирдан ардын баатар болж байсан. Гэвч түүний явуулж хэрэгжүүлсэн бодлогын үр дүнд нь Африкийн ихэнхийг тариа будаагаар хангадаг байсан Зимбабве нь өөрийгөө тэжээж чадахгүй, хагас өлсгөлөнгийн байдалтай, дэлхийн хамгийн ядуу улс болж хувирсан. Зимбабвегийн байдал цаашаа муудах боломжгүй гэтлээ туйлдах үед тус улсын зэвсэгт хүчний ахлах офицерууд нь улсаа аврахын тулд Мугабег албадан тэтгэвэрт гаргаж, тайван замаар төрийн эргэлт хийсэн юм.
Сэтгэгдэл (0)
Сэтгэгдэл бичигдээгүй байна