"Оймсчин" гэгдээд байгаа Н.Баярсайхан, Аззаяа нарын 25 шүүгдэгчтэй авлига, албан тушаалын давж заалдах шатны шүүх хурал завсарлалаа. Энэ үеэр Н.Баярсайханаас тайлбар авахыг хүссэн боловч ганц ч үг хэлсэнгүй. Тэд нийт 27 өмгөөлөгчтэй шүүх хуралд оролцож байна. Хэргийг эргэн сануулбал, Мэргэжлийн хяналтын ерөнхий газрын Экспорт, Импорт, Хилийн хорио цээрийн хяналтын газрын дарга Э.Аззаяа, Хэлтсийн дарга Н.Баярсайхан нар улсын хилээр түргэн муудах хүнсний бүтээгдэхүүн оруулж ирдэг иргэд, аж ахуйн нэгжүүдийг хясан боогдуулах замаар тэрбум орчим төгрөгийн авлига авсан хэргээр шалгагдаж байгаа. Чингэлтэй дүүргийн Эрүүгийн хэргийн анхан шатны шүүхээс Б.Баярсайхан, Э.Аззаяа нарт холбогдох шүүх хурал болсон ч хэргийг нь хэрэгсэхгүй болгон шийдвэрлэсэн юм. Тодруулбал, С.Бүрэнтөгс, Г.Элдэв-Очир, Э.Аззаяа нарын хэргийн хөөн хэлэлцэх хугацаа дууссан шалтгаанаар хэрэгсэхгүй болгож, хээл хахуул өгсөн гэх гурван хүнийг гэмт хэргийн шинжгүй гэж үзэн хэргийг мөн хэрэгсэхгүй болгон, шийдвэрлэсэн юм. Хэрэгт холбогдолтой бусад 19 хүнийг торгох шийтгэл ногдуулж, хэргийн хөөн хэлэлцэх хугацаа дууссан гэдэг үндэслэлээр хэрэгсэхгүй болгосон билээ. Шүүгчдэгчдийн зүгээс давж заалдах шатны шүүхэд хандсан бөгөөд өнөөдөр Нийслэлийн давж заалдах шатны шүүхийн танхимд хаалттай байдлаар болж байна.
Дөнгөж сая Б.Баярсайхан Э.Аззаяа нарын 25 хүнд холбогдох хэргийг Чингэлтэй дүүргийн Эрүүгийн хэргийн анхан шатны шүүхээс хэлэлцэн шийдвэр гаргалаа. Ингэхдээ Б.Баярсайхан дахь холбогдох хэргийг бүхэлдэн нь хэрэгсгүй болголоо. Өөрөөр хэлбэл анхан шатны шүүх хурлаар Б.Баярсайхан нарыг авлига авсан энэхүү асуудлыг хөөн хэлэлцэх хугацаа дууссан гэх шалтгаанаар хэрэгсгүй болгож тодорхой хэмжээний мөнгөн торгууль олгосон байна.
Сэтгэгдэл (0)
Сэтгэгдэл бичигдээгүй байна