УИХ-ын даргын дэргэдэх зөвлөлөөс парламентын ирэх долоо хоногийн хуваарийг дараах байдлаар гаргажээ.
НЭГ.АЖЛЫН ХЭСГИЙН ХУРАЛДААН:
Есдүгээр сарын 16-ны Даваа гарагт
- Өргөн нэвтрүүлгийн тухай хуулийн төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Төрийн байгуулалтын байнгын хорооны ажлын дэд хэсгийн хуралдаан 11.00 цагаас 350 тоот өрөөнд.
Есдүгээр сарын 17-ны Мягмар гарагт:
- УИХ-ын даргын 177 дугаар захирамжаар байгуулагдсан Төрөөс авлига албан тушаалын гэмт хэрэгтэй тэмцэхэд баримталж буй ялын бодлого, хөөн хэлэлцэх хугацаа, эрүүгийн хариуцлагын үр нөлөө, холбогдох хууль тогтоомжийн хийдэл, зөрчил болон хуулийн хэрэглээний нөхцөл байдлыг судалж, ял завшуулахгүй байх, хариуцлагыг чангатгах талаар санал, дүгнэлт гаргах үүрэг бүхий Хууль зүйн байнгын хорооны ажлын хэсгийн хуралдаан 10.00 цагаас "Г" танхимд.
09 дүгээр сарын 18-ны Лхагва гарагт:
- Өргөн нэвтрүүлгийн тухай хуулийн төсөл болон хамт өргөн мэдүүлсэн хуулийн төслүүдийг нэгдсэн хуралдаанаар хэлэлцүүлэх бэлтгэл хангах, санал, дүгнэлтийн төсөл боловсруулах үүрэг бүхий Төрийн байгуулалтын байнгын хорооны ажлын дэд хэсгийн хуралдаан 11.00 цагаас 350 тоот өрөөнд;
- УИХ-ын даргын 2018 оны 57 дугаар захирамжаар байгуулагдсан Оюутолгой ордыг ашиглах хөрөнгө оруулалтын гэрээний хэрэгжилтийг шалгаж, санал, дүгнэлт гаргах үүрэг бүхий ажлын хэсгийн бэлтгэсэн санал, дүгнэлтийг үндэслэн УИХ-ын шийдвэрийн төсөл боловсруулах үүрэг бүхий ажлын хэсгийн хуралдаан 14.00 цагаас "В" танхимд.
ХОЁР.БАЙНГЫН, ДЭД ХОРООНЫ ХУРАЛДААН:
09 дүгээр сарын 16-ны Даваа гарагт:
Ёс зүйн дэд хорооны хуралдаан 14.00 цагаас "Г" танхимд:
- УИХ-ын гишүүний ёс зүйн талаар.
09 дүгээр сарын 18-ны Лхагва гарагт:
Төрийн байгуулалтын байнгын хорооны хуралдаан 14.00 цагаас "Жанжин Д.Сүхбаатар" танхимд:
- Ард нийтийн санал асуулга явуулах өдрийг зарлан тунхаглаж, зохион байгуулалтыг хангах тухай УИХ-ын тогтоолын төсөл.
Сэтгэгдэл (0)
Сэтгэгдэл бичигдээгүй байна