Их Британид 350 кг жинтэй байсан залуу уйгагүй дасгал хөдөлгөөн хийсээр жилийн дотор жингээ гурав дахин багасгаж чадсан тухай "Wales Online" сайт мэдээлсэн байна.
Уэлсд аж төрдөг СтюартПроссер гэгч залуу 17 наснаасаа цагдаагийн газар ажиллаж байсан ч хөдөлгөөний дутагдалд орж 30 хүрэх үедээ 300 кг жинтэй тарган болсон байна. Ийм хүнд жинтэй хүнд алхах гишгэх тун хэцүү байдаг тул ажлын цагийг ширээний ард сууж өнгөрүүлдэг болсон аж. Тэрээр энэ тухайгаа дурсахдаа "Сүүлдээ би бараг явж чадахаа байсан тул ширээний ард суудаг болсон. Тэгсээр ажил хийж чадахгүй болох нь ойлгомжтой болоход ажлаасаа гарсан" гэжээ.
Стюарт нь 2014 онд ажлаасаа гарсны дараа сэтгэл гутралд орж, гурван жилийн турш гэрээс гараагүй байна. Улмаар 2017 онд арьсанд үүссэн нуралт яршин эмнэлгийн яаралтай тусламж авах шаардлагатай болж. Тэр үед Стюарт бүр ч их жин нэмж 350 кг болоод байсан бол түргэн тусламжийн машинд хүргэхийн тулд 12 хүн нийлж өргөх хэрэг гарч байжээ. Эмнэлэгт хэвтэх үедээ 120 кг-аар турсан ч гэртээ хариад буцаад таргалсан. 2018 онд орноосоо унаад босож чадахгүй болсон тул ахин эмнэлэгт хүргэгджээ.
Энэ удаад эмнэлгээс гарсны дараагаар жингээ хасахаар хатуу шийдэн хоолны хатуу дэглэм баримталж, дасгал хөдөлгөөн уйгагүй хийж эхэлсэн байна. Үүний ачаар 12 сарын дотор 350 кг жинтэй байсан хүн 111 кг болтол туржээ.
Сэтгэгдэл (0)
Сэтгэгдэл бичигдээгүй байна