ЖҮДОГИЙН ШИГШЭЭ БАГИЙН АХЛАХ ДАСГАЛЖУУЛАГЧААР Х.БОЛДБААТАР ТОМИЛОГДЛОО

Н.Түвшинбаяр тэргүүтэй Монголын жүдо бөхийн тамирчид Японы Осака хотод зохион байгуулагдсан жүдо бөхийн ДАШТ-д наймдугаар сарын 25-аас есдүгээр сарын 01-нийг хүртэл оролцсон билээ. Харамсалтай нь, Монгол Улсын тамирчдаас МУГТ М.Уранцэцэг л хүрэл медаль хүртсэн тааруу амжилт гаргасан учраас Монгол Улсын Ерөнхийлөгч, Монголын жүдо бөхийн холбооны ерөнхийлөгч Х.Баттулга шигшээ багийн дасгалжуулагчдыг хариуцлага хүлээн, ажлаа хүлээлгэн өгөхийг шаардаж гүйцэтгэх захирал болон шигшээ багийн дасгалжуулагчид ажлаа хүлээлгэн өгөхөө мэдэгдсэн. Тэгвэл өнөөдөр жүдо бөхийн шигшээ багийн ахлах дасгалжуулагч томилогдлоо. Шигшээ багийн ахлах дасгалжуулагчаар Монгол Улсын гавьяат тамирчин, Монгол Улсын гавьяат дасгалжуулагч Х.Болдбаатар томилогджээ.