​ВАШИНГТОН ЭР-РИЯД ХОЁР ИРАНД ХАРИУ ЦОХИЛТ ӨГӨХ БОЛОМЖИЙГ СУДАЛЖ БАЙНА

Газрын тосны "Saudi Aramco" компани руу хийсэн дайралтын дараагаар АНУ, Саудын Аравийн удирдлагууд Ираны эсрэг цохилт өгөх боломжийг судалж байгаа тухай "The Wall Street Journal" сонин мэдээлжээ. Тус сонины эх сурвалж нь "сүйрэл дагуулсан цохилт өгөхөд Ираны нутгийг түшиц газар болгон ашигласан тухай тагнуулын мэдээлэл Америкийн албаны хүмүүст байна" гэж мэдээлсэн байна. Гэвч цохилт өгсөн дронуудыг Ираны нутгаас үнэхээр хөөргөсөн эсэх талаар Саудын Аравийн удирдлагууд эцсийн дүгнэлтэд хүрээгүй байгаа аж. Тэд ямар ч байсан Америкийн талаас өгсөн тагнуулын мэдээг шийдвэр гаргах цор ганц үндэслэл гэж үзэхгүй байгаагаа ойлгуулсан байна. Бямба гарагийн шөнө Саудын Аравийн газрын тос олборлох "Saudi Aramco" компанийн байгууламжууд руу 10 дрон дайралт хийж ихээхэн эвдрэл сүйрэл учруулсан. Йемений хусит босогчдыг "Ансар Аллах" бүлэглэл тус дайралтыг үйлдсэн гэдгээ албан ёсоор мэдэгдсэн. Гэвч АНУ-ын Төрийн нарийн бичгийн дарга Майк Помпео нь "Дайралтыг Йемений нутгаас үйлдсэн гэх ямар ч нотолгоо алга" гэж мэдэгдээд бурууг шууд Ираны эрх баригчдад тохсон. Ираны ГХЯ нь ингэж буруутгасныг ямар ч үндэслэлгүй гэсэн.

Сэтгэгдэл (0)
love
haha
wow
angry
sad
Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top